భారత్తో ఉద్రిక్త వాతావరణం నెలకొన్న తరుణంలో పాకిస్థాన్ పలు కీలక వ్యాఖ్యలు చేస్తోంది. పాక్ చెరలో ఉన్న భారత నావికా దళ విశ్రాంత అధికారి కుల్భూషణ్ జాదవ్ను దౌత్యపరంగా కలుసుకోవడానికి భారత్కు రెండోసారి అవకాశం ఇవ్వబోమని తాజాగా పేర్కొంది. ఈ మేరకు పాకిస్థాన్ విదేశీ వ్యవహారాల ప్రతినిధి మహమ్మద్ ఫైజల్ ప్రకటన చేశారు.
దౌత్యపరంగా జాదవ్ను కలుసుకునే అవకాశం ఇవ్వాలని అంతర్జాతీయ న్యాయస్థానం గతంలో పాక్‌ను ఆదేశించింది. ఈ నేపథ్యంలో సెప్టెంబరు 2న పాక్‌లోని భారత డిప్యూటీ హై కమిషనర్ గౌరవ్ అహ్లువాలియా జాదవ్ను కలుసుకున్నారు.
యాత్రికులకు రుసుం...
కర్తార్‌పుర్‌ను సందర్శించే భారత సిక్కు యాత్రికుల ఒక్కొక్కరి నుంచి సేవా రుసుము కింద 20 డాలర్లను వసూలు చేయనున్నట్లు ఫైజల్ వెల్లడించారు. ఇది ప్రవేశ రుసుం కాదన్నారు.
ఇదీ చూడండి: కశ్మీర్ విషయంలో ఇమ్రాన్కు పాక్ మంత్రి షాక్
