ప్రతిరోజూ లక్షల మందిని బాధితులుగా మార్చుకుంటోన్న కరోనా... వందల సంఖ్యలో ప్రాణాలను బలి తీసుకుంటోంది. అంతర్జాతీయంగా ఇప్పటి వరకు 99 లక్షల 50 వేల మంది ఈ మహమ్మారి బారినపడ్డారు. దాదాపు 5 లక్షల మంది మృతిచెందారు. మరో 54 లక్షల మంది కోలుకున్నారు.
రష్యాలో కొత్తగా 6,852 కేసులు..
రష్యాలో కరోనా అంతకంతకూ తీవ్రరూపం దాలుస్తోంది. దేశవ్యాప్తంగా మరో 6,852 మంది వైరస్ బాధితులుగా మారారు. ఇప్పటివరకు 6,27,646 మందికి వైరస్ సోకినట్లు అధికారులు తెలిపారు. 24 గంటల్లో రికార్డు స్థాయిలో 188 మంది మహమ్మారి సోకి మరణించారు. ఫలితంగా మొత్తం మరణాల సంఖ్య 9 వేలకు చేరువైంది.
పాక్లో 73 మంది మృతి
పాకిస్థాన్లో కరోనా కేసులు, మరణాలు అధికమవుతూనే ఉన్నాయి. తాజాగా మరో 3,138 మందికి వైరస్ పాజిటివ్గా నిర్ధరణ అయ్యింది. ఫలితంగా మొత్తం కేసుల సంఖ్య 2 లక్షలకు చేరువైంది. ఇప్పటివరకు 1,98,883 మంది వైరస్ బారినపడ్డారు. మరో 73 మంది మృతి చెందగా.. మొత్తం మరణాల సంఖ్య 4,035కు చేరింది.
12 వేలకు పైగా..
నేపాల్లోనూ కరోనా వైరస్ పంజా విసురుతోంది. గడచిన 24 గంటల్లో 554 మందికి వైరస్ సోకినట్లు ఆ దేశ వైద్య విభాగం ప్రకటించింది. ఇప్పటివరకు 12 వేల 309 మంది వైరస్ బారినపడ్డారు. దేశంలో కరోనాతో 28 మంది మరణించారు.
- సింగపూర్లో గడచిన 24 గంటల్లో 291 మందికి వైరస్ సోకినట్లు అధికారులు గుర్తించారు. వీరిలో 286 మంది విదేశీ వలస కార్మికులని ఆ దేశ ఆరోగ్య వర్గాలు తెలిపాయి.
- చైనాలో మళ్లీ కరోనా విజృంభిస్తోంది. కొత్తగా మరో 21 కేసులు వచ్చినట్లు అధికారులు వెల్లడించారు.
- మెక్సికోలో కొత్తగా 5 వేల 441 మంది బాధితులను గుర్తించారు. మరో 719 మంది మృతి చెందారు.
- సౌదీ అరేబియాలో తాజాగా నమోదైన కేసులతో కలిపి మొత్తం లక్షా 78 వేల 504 మందికి కరోనా సోకింది.
- బంగ్లాదేశ్లో కరోనా ఉగ్రరూపం దాల్చుతుంది. తాజాగా 3,504 మంది కరోనా బారిన పడగా.. మొత్తం బాధితుల సంఖ్య లక్షా 34 వేలకు చేరింది.
- దక్షిణాఫ్రికాలో కరోనా తీవ్రత పెరుగుతోంది. మొత్తం బాధితుల సంఖ్య లక్షా 24 వేలకు చేరినట్లు ఆ దేశ అధికారులు ప్రకటించారు.
ఇదీ చూడండి:'ఆ 8 రాష్ట్రాల్లోనే 85 శాతం కరోనా కేసులు'
