జపాన్లోని ఒసాకా వేదికగా నేడు 14వ జీ20 సదస్సు ప్రారంభమైంది. భారతదేశ ప్రధానమంత్రి నరేంద్ర మోదీ సహా సభ్యదేశాల అధినేతలు ఈ సదస్సులో పాల్గొన్నారు. ఈ సారి జీ20 సదస్సులో ప్రపంచ ఆర్థిక వృద్ధి, వాణిజ్యం, పెట్టుబడులు, నవకల్పనలు, డిజిటల్ ఎకానమి, కృత్రిమ మేధ, వాతావరణ మార్పులు, పర్యావరణ సంరక్షణ వంటి అంశాలపై దేశాధినేతలు చర్చించనున్నారు.
సదస్సులో భాగంగా అమెరికా అధ్యక్షుడు డొనాల్డ్ ట్రంప్తో పాటు పలు దేశాధ్యక్షులతో మోదీ సమావేశమవుతారు. సార్వత్రిక ఎన్నికల్లో ఘన విజయం సాధించి రెండోసారి భారతదేశ ప్రధానిగా ఎన్నికైన అనంతరం తొలిసారి ట్రంప్తో మోదీ భేటీ కానున్నారు. ఇరు దేశాల మధ్య వ్యూహత్మక ఒప్పందాలు జరిగే అవకాశాలున్నాయి.
అమెరికా- భారత్ మధ్య నెలకొన్న 'సుంకాల' సమస్యల నేపథ్యంలో ట్రంప్తో మోదీ భేటీపై సర్వత్రా ఉత్కంఠ నెలకొంది.
ఈ సదస్సు శనివారం వరకు కొనసాగుతుంది.
ఇదీ చూడండి: జీ20 సదస్సు వేదికగా మోదీ- ట్రంప్ భేటీ
