Sandhya Theatre Management Answer to Police Notice : ఆర్టీసీ క్రాస్‌ రోడ్‌లోని సంధ్య థియేటర్ వద్ద పుష్ప-2 ప్రీమియర్‌ షో సందర్భంగా జరిగిన తొక్కిసలాట ఘటనకు సంబంధించి థియేటర్ మేనేజ్మెంట్కు పోలీసులు నోటీసులను ఇచ్చారు. సంధ్య థియేటర్కు అన్ని అనుమతులు ఉన్నాయని పేర్కొంటూ పోలీసులు ఇచ్చిన నోటీసులకు థియేటర్ యాజమాన్యం సమాధానం పంపింది.
డిసెంబరు 4న పుష్ప-2 ప్రీమియర్‌ షోకు 80 మంది థియేటర్ సిబ్బంది విధుల్లో ఉన్నారని పోలీసులకు ఇచ్చిన సమాధానంలో తెలిపింది. డిసెంబరు 4, 5న సినిమా థియేటర్ నిర్వహణను మైత్రీ మూవీ మేకర్స్‌ తీసుకుందని తెలిపింది. సినిమాల రిలీజ్లకు గతంలోనూ హీరోలు థియేటర్నకు వచ్చినట్లుగా వివరించింది. సంధ్య థియేటర్‌లో కార్లు, బైక్‌లకు ప్రత్యేక పార్కింగ్‌ ఉందని సంధ్య థియేటర్ యాజమాన్యం అని తెలిపింది. ఈ మేరకు ఈ వివరాలన్నింటితో కూడిన 6 పేజీల లేఖను సంధ్య థియేటర్ యాజమాన్యం పోలీసులకు పంపింది.
ఇంతకీ ఏం జరిగిందంటే? : డిసెంబరు 4వ తేదీన సంధ్య థియేటర్ వద్ద జరిగినటువంటి తొక్కిసలాటలో రేవతి అనే మహిళ మృతి చెందింది. ఈ ఘటనలో బాలుడు తీవ్రంగా గాయపడి కిమ్స్‌ ఆసుపత్రిలో చికిత్స పొందుతున్న విషయం విధితమే. బాధిత కుటుంబానికి ఇప్పటికే మైత్రీ మూవీ మేకర్స్‌ 50లక్షల రూపాయలు, హీరో అల్లు అర్జున్‌ రూ.కోటి, దర్శకుడు సుకుమార్ రూ.50లక్షలను, మంత్రి కోమటిరెడ్డి వెంకట్‌రెడ్డి రూ.25లక్షల ఆర్థిక సాయాన్ని అందించారు.
సంధ్య థియేటర్ ఘటన - లైవ్ వీడియో రిలీజ్ చేసిన సీపీ
సంధ్య థియేటర్కు షోకాజ్ నోటీసులు - 10 రోజుల్లో వివరణ ఇవ్వాలన్న సీవీ ఆనంద్
