ఈక్వెడార్లోని రెండు జైళ్లలో ఖైదీల మధ్య ఘర్షణ తలెత్తింది. ఈ ఘటనల్లో 18 మంది ప్రాణాలు కోల్పోయారు. పదుల సంఖ్యలో గాయాలపాలయ్యారని అధికారులు తెలిపారు.
గౌయాక్విల్ నగరంలోని ప్రధాన కారాగారం, సెంట్రల్ ఈక్వెడార్లోని లటకుంగా జైలులో బుధవారం ఈ అల్లర్లు చెలరేగినట్లు అధికారులు తెలిపారు. ఈ ఘటనల్లో 9 మంది పోలీసులు, 35 మంది ఖైదీలు తీవ్రంగా గాయపడినట్లు చెప్పారు. ప్రస్తుతం పరిస్థితులు అదుపులోనే ఉన్నట్లు పేర్కొన్నారు.
లటకుంగా జైలు నుంచి తప్పించుకునే ప్రయత్నాలు జరిగినట్లు పోలీసులు ట్విట్టర్ ద్వారా తెలిపారు. అయితే.. జైలులోని 45 మంది ఖైదీలను తప్పించుకోకుండా బంధించినట్లు చెప్పారు.
గత జూన్ నెలలో ఈక్వెడార్లోని ఓ జైలులో జరిగిన ఘర్షణల్లో ఇద్దరు ప్రాణాలు కోల్పోయారు, 11 మంది గాయపడ్డారు. అంకు ముందు ఫిబ్రవరిలో అల్లర్లు చెలరేగి 80 మంది ఖైదీలు మృతి చెందారు.
ఇదీ చూడండి: లైవ్లో రిపోర్టర్ను తుపాకీతో బెదిరించి చోరీ
