అఫ్గాన్ రాజధాని కాబుల్లోని ఓ పాఠశాలపై జరిగిన బాంబు దాడి ఘటనలో మృతుల సంఖ్య 50కి చేరింది. మరణించిన వారిలో ఎక్కువ మంది 11-15 ఏళ్ల వయసు విద్యార్థులే ఉన్నారని ఆ దేశ అంతర్గత వ్యవహారాల శాఖ ఆదివారం వెల్లడించింది. ఈ ఘటనలో మరో 100 మందికిపైగా గాయపడినట్టు తెలిపింది.
ఏం జరిగిందంటే?
కాబుల్ పశ్చిమ ప్రాంతంలోని షియా పరిసరాల్లో.. రోజూలాగే విద్యార్థులు పాఠశాలకు వెళ్తున్నారు. ఆ సమయంలో ప్రవేశ ద్వారానికి వెలుపల మూడు పేలుళ్లు సంభవించాయి. ఈ ఘటనలో శనివారం 30 మంది దుర్మరణం పాలవ్వగా.. అనేక మంది గాయపడ్డారు.
ఏ ఉగ్రవాద సంస్థ ఈ దాడులకు పాల్పడిందో తెలియలేదు. అయితే.. ఇటీవల అదే ప్రాంతంలో షీతేస్ మైనార్టీలపై దాడి చేసిన ఇస్లామిక్ స్టేట్ ఉగ్రవాద సంస్థపై ఎక్కువగా అనుమానాలు వ్యక్తమవుతున్నాయి.
మరోవైపు, ఈ ఘటనను తాలీబన్లు ఖండించారు. దాడికి తాము బాధ్యులం కాదని పేర్కొన్నారు.
ఇదీ చదవండి: సముద్రంలో పడిపోయిన చైనా రాకెట్ శకలాలు!
