ప్రపంచవ్యాప్తంగా కరోనా వ్యాప్తి కొనసాగుతోంది. ప్రపంచదేశాల్లో మొత్తం కేసుల సంఖ్య 2 కోట్ల 68 లక్షల 41 వేలు దాటింది. మరో 8 లక్షల 79 వేల 866 మంది మృత్యువాత పడ్డారు. అయితే కోటీ 89 లక్షల 64 వేల మందికిపైగా కొవిడ్ నుంచి కోలుకున్నారు.
అమెరికా, బ్రెజిల్, భారత్ దేశాల్లో కరోనా తీవ్రత అధికంగా ఉంది. రష్యాలో కొవిడ్ కేసులు స్థిరంగా నమోదవుతున్నాయి. మెక్సికో, పెరూ, అర్జెంటీనా, కొలంబియా దేశాల్లోనూ కరోనా బాధితులు భారీగానే పెరుగుతున్నారు.
ఇరాన్లో తెరిచిన పాఠశాలలు...
ఇరాన్లో కొవిడ్ ఆందోళనల నడుమ నూతన విద్యా సంవత్సరాన్ని ప్రారంభించారు. దాదాపు ఏడు నెలలుగా మూసివేసిన పాఠశాలలను వీడియో కాన్ఫరెన్స్ ద్వారా తిరిగి ప్రారంభించారు ఆ దేశ అధ్యక్షుడు హసన్ రౌహాని.
- నేపాల్లో వైరస్ కేసుల సంఖ్య 45 వేలు దాటింది. తాజాగా 1041 కేసులు బయటపడగా... మరో 9 మంది ప్రాణాలు కోల్పోయారు.
- చెక్ రిపబ్లిక్ దేశంలో తొలిసారిగా రికార్డు స్థాయిలో 700 కేసులు నమోదయ్యాయి.
- పాకిస్థాన్లో కొత్తగా 513 మందికి కరోనా సోకింది. మరో ఐదుగురు మృతి చెందారు. ఫలితంగా మొత్తం కేసుల సంఖ్య 2 లక్షల 98 వేలు దాటింది.
| దేశం | మొత్తం కేసులు | మొత్తం మరణాలు | కోలుకున్నవారు |
| అమెరికా | 63,90,240 | 1,92,146 | 36,36,284 |
| బ్రెజిల్ | 40,91,801 | 1,25,584 | 32,78,243 |
| భారత్ | 40,34,339 | 69,749 | 31,12,669 |
| రష్యా | 10,20,310 | 17,759 | 8,38,126 |
| పెరూ | 6,76,848 | 29,554 | 4,98,523 |
| కొలంబియా | 6,50,062 | 20,888 | 4,98,221 |
| దక్షిణాఫ్రికా | 6,35,078 | 14,678 | 5,57,818 |
| మెక్సికో | 6,23,090 | 66,851 | 4,34,667 |
| స్పెయిన్ | 5,17,133 | 29,418 | N/A |
| అర్జెంటీనా | 4,61,882 | 9,685 | 3,40,381 |
ఇదీ చూడండి: ఒక్క అంగుళం కూడా వదులుకోం: చైనా
