ప్రపంచవ్యాప్తంగా కరోనా వైరస్ కేసులు 80 లక్షలు దాటిపోయాయి. 4 లక్షల 36 వేల 276 మంది ప్రాణాలు కోల్పోయారు. 41లక్షల 48 వేల 120 మంది రికవరీ అయ్యారు.
| దేశం | కేసులు | మృతులు |
| అమెరికా | 21,62,864 | 1,17,865 |
| బ్రెజిల్ | 8,67,882 | 43,398 |
| రష్యా | 5,37,210 | 7,091 |
| బ్రిటన్ | 295,889 | 41,698 |
| స్పెయిన్ | 2,91,008 | 27,136 |
| ఇటలీ | 2,36,989 | 34,345 |
| పెరూ | 2,29,736 | 6,688 |
| ఇరాన్ | 1,89,876 | 8,950 |
| జర్మనీ | 1,87,706 | 8,873 |
చైనాలో సామూహిక పరీక్షలు...
బీజింగ్లో వైరస్ మరోమారు విజృంభిస్తోన్న నేపథ్యంలో సామూహిక పరీక్షలను ప్రారంభించింది చైనా. బీజింగ్లో వైరస్ కేంద్రబిందువుగా మారిన జిన్ఫడి మార్కెట్ను సందర్శించిన వారిని పట్టుకోవడం కోసమే ఈ చర్యలు చేపట్టింది. ఇప్పటివరకు 29వేల 386 మందికి పరీక్షలు నిర్వహించగా.. 12 వేల 973 మందికి వైరస్ నెగెటివ్గా తేలింది. మిగతా నమూనాల ఫలితాలు వెలువడాల్సి ఉంది.
పాక్లో...
పాకిస్థాన్లో కరోనా కేసులు గణనీయంగా పెరుగుతున్నాయి. వైరస్ బారినపడి ప్రాణాలు కోల్పోతున్న వారి సంఖ్య ఆందోళనకరంగా మారింది. దేశంలోని ఒక్క పంజాబ్ రాష్ట్రంలోనే మరణాల సంఖ్య 1000కి చేరింది. పంజాబ్లో గత 24గంటల్లో మొత్తం 1,537 మందికి వైరస్ సోకింది.
అయితే పాకిస్థాన్లో కొత్తగా 5,248 కేసులు వెలుగుచూశాయి. 97 మంది మరణించారు.
విమాన సేవలపై నిషేధం...
నేపాల్ను కూడా కరోనా వైరస్ వణికిస్తోంది. మొత్తం కేసుల సంఖ్య 6000 దాటింది. ఈ నేపథ్యంలో దేశీయ, విదేశీ ప్రయాణ సేవలపై ఉన్న నిషేధాన్ని జులై 5వరకు కొనసాగిస్తూ ఆదేశాలు జారీ చేసింది అక్కడి ప్రభుత్వం.
విదేశీ కార్మికులపై పంజా...
సింగపూర్లోని విదేశీ కార్మికులు కరోనా భయంతో విలవిల్లాడిపోతున్నారు. తాజాగా వారిలోని 214 మందికి కరోనా నిర్ధరణయింది. దీంతో మొత్తం కేసుల సంఖ్య 40,818కు చేరింది. 26 మంది మరణించారు.
