కరోనాకు పుట్టినిల్లు అయిన వుహాన్లోని ఆస్పత్రుల్లో వైరస్ బాధితుల సంఖ్య 'సున్నా'కు చేరింది. 76 రోజుల లాక్డౌన్ను ఏప్రిల్ 8న ఎత్తివేసిన తర్వాత తాజా నిర్ణయంతో వుహాన్ నగరం మరో మైలురాయిని అందుకుంది.
హుబే రాష్ట్ర ఆరోగ్య కమిషన్ కూడా.. శనివారం ఒక్క కేసు కానీ.. మరణం నమోదు కాలేదని ప్రకటించింది. కరోనా నుంచి కోలుకున్న 11 మందిని వుహాన్ ఆసుపత్రి నుంచి డిశ్ఛార్జి చేసినట్లు తెలిపింది. వుహాన్ ఆస్పత్రులో చివరి కరోనా బాధితుడు శుక్రవారం కోలుకున్నాడని చైనా జాతీయ మీడియా తెలిపింది.
కఠిన చర్యల వల్లనే..
వుహాన్తో కలిపి హుబే రాష్ట్రంలో మొత్తం 68,128 కేసులు నమోదయ్యాయి. వైద్య సిబ్బంది కృషితోనే ఇది సాధ్యమైందని చైనా జాతీయ ఆరోగ్య కమిషన్ (ఎన్హెచ్సీ) అధికార ప్రతినిధి మిఫెంగ్ పేర్కొన్నారు.
హుబే రాష్ట్రంలో కఠిన లాక్డౌన్ను అమలు చేయటంతో పాటు 14 తాత్కాలిక ఆసుపత్రులు, 42 వేలమంది వైద్య సిబ్బందిని ఏర్పాటు చేయటం వల్లనే వైరస్ను అదుపుచేయగలిగామని చైనా ప్రకటించింది.
ఆ కేసుల్లో పెరుగుదల..
అయితే వుహాన్లో లక్షణాలు లేని కేసులు స్థిరంగా పెరుగుతుండటం వల్ల అక్కడ సాధారణ పరిస్థితి లేదని తెలిపింది. ఇప్పటివరకు హుబే రాష్ట్రంలో 572 లక్షణాలు లేని కరోనా కేసులు నమోదు అయ్యాయని స్థానిక ఆరోగ్య శాఖ తెలిపింది.
ఇదీ చూడండి:'దొంగ కరోనా' కేసులతో చైనాలో మళ్లీ ఆందోళన
