ప్రపంచ దేశాల్లో కరోనా కేసులు నానాటికీ పెరుగుతున్నాయి. మొత్తం కేసుల సంఖ్య 3 కోట్ల 31 లక్షల 92 వేల 342కు చేరింది. 10 లక్షల 360 మంది కొవిడ్కు బలయ్యారు. మరోవైపు 2 కోట్ల 45 లక్షల మందికిపైగా కోలుకున్నారు.
- రష్యాలో తాజాగా 7 వేల 867 మందికి కరోనా పాజిటివ్గా తేలింది. 99 మంది మృతి చెందారు.
- మెక్సికోలో 5 వేల 573 మందికి వైరస్ సోకింది. అత్యధికంగా 399 మందిని కొవిడ్ బలి తీసుకుంది.
- నేపాల్ ఆర్మీ ఛీప్ జరల్ పూర్ణ చందర తాపా స్వీయ నిర్బంధంలోకి వెళ్లారు. ఆర్మీ సిబ్బందికి ఒకరికి కరోనా సోకడం వల్ల తాపా క్వారంటైన్లోకి వెళ్లారు. దేశంలో కొత్తగా నమోదైన 1,573 కేసులతో మొత్తం బాధితుల సంఖ్య 73 వేలు దాటింది.
- సింగపూర్లో కరోనా కేసుల సంఖ్య తగ్గుతున్నట్లు కనిపిస్తుంది. తాజాగా 15మందికి వైరస్ సోకింది.
| దేశం | మొత్తం కేసులు | మొత్తం మరణాలు |
| అమెరికా | 72,95,718 | 2,09,242 |
| భారత్ | 60,41,638 | 94,971 |
| బ్రెజిల్ | 47,19,099 | 1,41,503 |
| రష్యా | 11,51,438 | 20,324 |
| కొలంబియా | 8,06,038 | 25,296 |
ఇదీ చూడండి: ఆ రెండు దేశాల మధ్య యుద్ధ మేఘాలు.. 16 మంది మృతి!
