చైనాలో కలకలం రేపుతోన్న కరోనా వైరస్ కారణంగా ఇప్పటివరకు 811మంది మరణించారు. మరో 37 వేల మంది వైరస్ బారిన పడినట్లు ఆ దేశ జాతీయ ఆరోగ్య కమిషన్ వెల్లడించింది.
ఒక్క శనివారం నాడే.. 89 మరణాలు సంభవించాయి. 2,656 కేసులు నమోదయ్యాయి. మృతుల్లో 81 మంది హుబే రాష్ట్రానికి చెందిన వారు కావడం గమనార్హం.
మరోవైపు వైరస్ సోకి ఆసుపత్రిలో చికిత్స పొందుతున్న వారు నెమ్మదిగా కోలుకుంటున్నారు. శనివారం 600 మంది ఆసుపత్రి నుంచి డిస్చార్జ్ అయ్యారు. వారిలో 324 మంది హుబే రాష్ట్రానికి చెందినవారున్నారు.
ఇదీ చదవండి: సైకోలా మారిన సైనికుడు-20 మంది బలి
