కరోనాతో ప్రపంచ దేశాలు అతలాకుతలమవుతున్నాయి. వైరస్ వ్యాప్తి ఏ మాత్రం తగ్గడం లేదు. పలు దేశాల్లో కేసులు మళ్లీ పెరిగిపోతున్నాయి. లండన్లో రెండో దశ లాక్డౌన్ దిశగా ఆలోచిస్తుంది బోరిస్ జాన్సన్ ప్రభుత్వం. దేశంలో శుక్రవారం 4,322 మందికి వైరస్ సోకింది.
రష్యాలో రోజూ 6 వేలకుపైగా కొత్త కేసులు నమోదవుతున్నాయి. ఇవాళ మరో 6 వేల 65 మందికి వైరస్ సోకగా.. మొత్తం బాధితుల సంఖ్య 11 లక్షలు దాటింది.
కొలంబియాలో కరోనా కేసులు 7 లక్షల 50 వేల మార్కు దాటింది. ఒక్కరోజే 6,526 మంది వైరస్ బారినపడ్డారు. మొత్తం మరణాల సంఖ్య 23 వేల 850కి చేరింది.
- మెక్సికోలో మరో 4,841 కేసులు, 624 మరణాలు నమోదయ్యాయి.
- ఇరాన్, ఫిలిప్పీన్స్, ఇండోనేసియాలో రోజూ 100కుపైగా మరణాలు నమోదవుతున్నాయి.
- నేపాల్లో కరోనా కేసుల సంఖ్య 62 వేల 797కి చేరింది. ఒక్కరోజే 1204 కొత్త కేసులు వెలుగుచూశాయి. మరో 11 మంది చనిపోయారు. మొత్తం మరణాల సంఖ్య 401కి చేరింది.
- పాక్లో వైరస్ వ్యాప్తి క్రమంగా తగ్గుతున్నట్లు కనిపిస్తోంది. శనివారం వచ్చిన 645 కొత్త కేసులతో కలిపి మొత్తం బాధితుల సంఖ్య 3,05,031కి చేరింది. మొత్తం మృతుల సంఖ్య 6,451కి చేరింది.
- సింగపూర్లో 15 కొత్త కేసులు నమోదయ్యాయి. మొత్తం కేసులు 57 వేల 558కి చేరాయి.
