కరోనా వైరస్ పుట్టుకను అమెరికా రాజకీయం చేస్తోందని చైనా ఆరోపించింది. వైరస్ ఆవిర్భావంపై దర్యాప్తు చేపట్టేందుకు అమెరికా తీవ్ర ఒత్తిడి తీసుకొస్తున్న నేపథ్యంలో బైడెన్ బృందంపై విమర్శలు గుప్పించింది.
"అధ్యక్షుడు జో బైడెన్ ఆదేశాలను గమనిస్తే.. అమెరికాకు నిజానిజాలతో పనిలేదని అర్ధమవుతోంది. శాస్త్రీయంగా వైరస్ మూలాలు తెలుసుకునేందుకు అమెరికా ఆసక్తి చూపడం లేదు," అని చైనా విదేశాంగ ప్రతినిధి జావో లిజియాన్ ఆరోపించారు.
ఎలాగైనా వైరస్ పుట్టుక గురించి తెలుసుకోవాలని బైడెన్ తమ నిఘా బృందానికి ఇటీవలే ఆదేశాలిచ్చారు. వూహాన్ ల్యాబ్ మిస్టరీని కనుక్కునేందుకూ వెనకాడొద్దని స్పష్టం చేశారు. ఈ నేపథ్యంలో జావో వ్యాఖ్యలకు ప్రాధాన్యం సంతరించుకుంది. అమెరికా ముందు తమ దేశంలోని ల్యాబ్లపై దర్యాప్తు చేయాలని జావో అన్నారు. తొలుత మిలిటరీ ఫోర్ట్ డెట్రిక్ బేస్ ల్యాబ్ను పరీక్షించాలని తెలిపారు.
ఇదీ చదవండి:
