తీరు మారని చైనా.. 'గల్వాన్​'పై మళ్లీ అదే మాట

తూర్పు లద్దాఖ్​లోని గల్వాన్​ లోయ విషయంలో చైనా తీరు మారటం లేదు. పాడిందే పాటగా.. మళ్లీ మళ్లీ అదే మాట చెబుతోంది. గల్వాన్​ లోయ భూభాగం చైనా వైపు ఉందని మరోమారు చెప్పుకొచ్చింది ఆ దేశ విదేశాంగ శాఖ. ఈనెల 15న జరిగిన  హింసాత్మక ఘటనపై దశల వారీగా వివరిస్తూ ఓ ప్రకటన విడుదల చేసింది.

భారత్​తో సరిహద్దు ఉద్రిక్తతలను తగ్గిస్తామంటూనే.. కయ్యానికి కాలుదువ్వుతోంది చైనా. గల్వాన్​ లోయ భూభాగం నియంత్రణ రేఖకు చైనా వైపు ఉందని మరోమారు చెప్పుకొచ్చింది. గల్వాన్​ లోయ సార్వభౌమధికారం తమదేనని డ్రాగన్​ సైన్యం వ్యాఖ్యనించటంపై భారత్​ మొట్టికాయలు వేసిన మరుసటి రోజునే ఈ మేరకు ఆ దేశ విదేశాంగ శాఖ ప్రకటించటం గమనార్హం.

భారత్​-చైనాల మధ్య ఉద్రిక్తతలపై విలేకరుల సమావేశంలో గల్వాన్​ ఘర్షణపై దశల వారీగా వివరిస్తూ.. ఓ ప్రకటన విడుదల చేశారు ఆ దేశ విదేశాంగ ప్రతినిధి జావో లిజియన్​. ఈనెల 15న తూర్పు లద్దాఖ్​లో జరిగిన హింసాత్మక ఘటనపై భారత్​ను నిందించే ప్రయత్నం చేశారు.

• China's Foreign Ministry Spokesperson Zhao Lijian gave a step-by-step account of the Galwan clash and elaborated China's position on settling this incident: Embassy of China in India pic.twitter.com/I3HlJhUrIP

  — ANI (@ANI) June 19, 2020 " class="align-text-top noRightClick twitterSection" data="

  China's Foreign Ministry Spokesperson Zhao Lijian gave a step-by-step account of the Galwan clash and elaborated China's position on settling this incident: Embassy of China in India pic.twitter.com/I3HlJhUrIP

  — ANI (@ANI) June 19, 2020

  ">

  China's Foreign Ministry Spokesperson Zhao Lijian gave a step-by-step account of the Galwan clash and elaborated China's position on settling this incident: Embassy of China in India pic.twitter.com/I3HlJhUrIP

  — ANI (@ANI) June 19, 2020

" గల్వాన్​ లోయ చైనా, భారత్​ సరిహద్దులోని పశ్చిమ భూభాగంలో వాస్తవాధీన రేఖకు చైనా వైపు ఉంది. చాలా ఏళ్లుగా ఆ ప్రాంతంలో చైనా బలగాలు తమ విధులను సాధారణంగానే నిర్వర్తిస్తున్నాయి. సరిహద్దులో ఉద్రిక్త పరిస్థితులను పరిష్కరించేందుకు వీలైనంత తొందరగా కమాండర్​ స్థాయిలో రెండో సమావేశం నిర్వహించాలి. దౌత్య, సైనిక మార్గాల ద్వారా ఉద్రిక్తతలను తగ్గించేందుకు ఇరువర్గాలు సమాచారం అందించుకుంటున్నాయి. చైనా, భారత్​ సంబంధాలకు చైనా ప్రాముఖ్యత ఇస్తుంది. ద్వైపాక్షిక సంబంధాలు దీర్ఘకాలం కొనసాగేందుకు భారత్​ మాతో కలిసి పనిచేస్తుందని భావిస్తున్నాం."

- జావో లిజియన్​, చైనా విదేశాంగ శాఖ ప్రతినిధి.

గల్వాన్​ లోయలో తలెత్తిన ఘర్షణ వల్ల ఏర్పడిన తీవ్ర పరిస్థితులను పరిష్కరించేందుకు ఇరు పక్షాలు అంగీకరించాయన్నారు లిజియన్​. కమాండర్​ స్థాయి సమావేశంలో కుదిరిన ఒప్పందాలకు కట్టుబడి ఉంటే, వీలైనంత త్వరగా పరిస్థితి సద్దుమణుగుతుందని పేర్కొన్నారు.

ఇదీ చూడండి: 'భారతదేశ సౌర్వభౌమత్వాన్ని చైనా గౌరవించాల్సిందే'