హాంకాంగ్పై చైనా చేపడుతోన్న చర్యలను తిరస్కరిస్తూ అమెరికా నేతృత్వంలోని ఐదు దేశాలు చేసిన ఆరోపణలను చైనా తిప్పికొట్టింది. ఆ ఐదు దేశాలు హాంకాంగ్ నిజమైన స్థితిని తెలుసుకోవాలని హెచ్చరించింది.
అమెరికా, బ్రిటన్, ఆస్ట్రేలియా, కెనడా, న్యూజిలాండ్ దేశాలు హాంకాంగ్కు మద్దతుగా చేసిన వ్యాఖ్యలపై చైనా విదేశాంగ శాఖ ప్రతినిధి జావో లిజియాన్ మండిపడ్డారు.
" చైనా సార్వభౌమాధికారానికి, భద్రతకు, అభివృద్ధి కార్యకలాపాలకు భంగం కలిగించే యత్నం చేస్తే దాని పరిణామాలు తీవ్రంగా ఉంటాయి. అవి ఐదు దేశాలైనా సరే..పది దేశాలైనా సరే " అని జావో లిజియాన్ హెచ్చరించారు.
ఐదు దేశాల ఆగ్రహానికి కారణం?
హాంకాంగ్ శాసనసభకు ప్రతినిధులుగా ఎన్నికైన నలుగురుని అనర్హులుగా ప్రకటిస్తూ చైనా కొత్త నిబంధనలు అమలు చేసింది. ఈ చర్యపై ఆగ్రహించిన అమెరికా నేతృత్వంలోని ఐదు సభ్యదేశాల విదేశాంగ మంత్రులు చైనా తీరుపై ఆందోళన వ్యక్తం చేశారు.
దీనిపై స్పందించిన జావో, హాంకాంగ్.. చైనాలో అంతర్భాగమైపోయిందని అన్నారు. ఆ ప్రాంత ప్రజాప్రతినిధులు చైనాకు కట్టుబడి ఉండాలని వ్యాఖ్యానించారు. ప్రతీ దేశంలో ఉండే రాజనీతి ఇదే కదా అని ప్రశ్నించారు.
గతంలో.. చైనా, హాంకాంగ్ ఆంక్షల విషయంపై స్పందించాలని ఆ నలుగురు ప్రజా ప్రతినిధులు గళం విప్పారు. దీనిపై డ్రాగన్ అసహనం వ్యక్తం చేసింది.
ఇదీ చదవండి:భారత్ ఎదుగుదలను చూసి చైనా భయపడుతోందా?
