చైనాలో మళ్లీ కరోనావైరస్ వ్యాప్తి పెరుగుతోంది. మూడు రోజుల వ్యవధి తర్వాత చైనాలో తొలి లోకల్ కరోనా కేసు నమోదైంది. విదేశాల నుంచి వచ్చిన వారితో కలిపి నేడు మొత్తం 46(1+45) కేసులు నమోదైనట్లు చైనా ఆరోగ్య కమిషన్ ప్రకటించింది.
చైనాలో కొత్తగా 6 కరోనా మరణాలు నమోదయ్యాయి. వీరిలో ఐదుగురు హుబే రాష్ట్రానికి చెందినవారేనని అధికారులు తెలిపారు. తాజా మరణాలతో కలిపి చైనాలో కొవిడ్-19 ధాటికి మృత్యవాత పడ్డవారి సంఖ్య 3,261కి చేరింది.
వైరస్కు కేంద్రంగా భావిస్తున్న వుహాన్లో మాత్రం స్థానికంగా వరుసగా నాలుగో రోజూ ఒక్క కేసుకూడా నమోదుకాలేదని అధికారులు స్పష్టం చేశారు.
చైనాలో కరోనా కేసుల వివరాలు..
- మొత్తం కేసులు - 81,054
- మరణాలు - 3,261
- చికిత్సపొందుతున్న వారు - 5,549
- పరిస్థితి విషమంగా ఉన్నవారు - 1,845
- కోలుకుని ఇళ్లకు వెళ్లిన వారు - 72,244
కరోనా వైరస్ ఇతరులకు విస్తరించకుండా దేశమంతా కఠిన ఆంక్షలు విధించింది చైనా. బీజింగ్ సహా పలు ప్రధాన నగరాల్లో క్వారంటైన్ నిబంధనలు అమలులో ఉన్నాయి. విదేశాల నుంచి బీజింగ్ వచ్చే వారిని 14 రోజులు నిర్బంధంలో ఉంచుతున్నట్లు అధికారులు తెలిపారు.
చైనా సరిహద్దు దేశాల్లో పరిస్థితి..
కరోనాతో హాంకాంగ్లో శనివారం మరో నలుగురు మరణించారు. హాంకాంగ్లో కొత్తగా 273, మకావులో 18 కేసులు నమోదయ్యాయి. తైవాన్లో 153 మందికి కొవిడ్-19 సోకగా ఒకరు మృత్యువాత పడ్డారు.
ఇదీ చూడండి:ప్రపంచవ్యాప్తంగా 13 వేలు దాటిన కరోనా మరణాలు
