'బోయింగ్​ 737' సర్వీసులకు చైనా బ్రేకులు

ఇథియోపియాలో 'బోయింగ్​ 737' విమానం కూలిన ఘటనలో 150 మంది మృతి చెందారు. ఈ దుర్ఘటనతో అప్రమత్తమైన చైనా 'బోయింగ్​ 737' విమాన సర్వీసులను వెంటనే నిలిపివేసింది.

ఇథియోపియాలో 'బోయింగ్​ 737' విమానం కూలిన నేపథ్యంలో చైనా అప్రమత్తమైంది. ఈ విమాన సర్వీసులను నిలిపేస్తున్నట్లు డ్రాగన్​ పౌరవిమానయాన శాఖ అధికారికంగా ప్రకటించింది. ప్రయాణికులను సురక్షితంగా గమ్యస్థానాలకు చేరవేస్తాయని నమ్మకం కలిగితేనే ఈ విమానాలను వినియోగిస్తామని స్పష్టం చేసింది. అమెరికాకు చెందిన బోయింగ్​ సంస్థ నుంచి చైనా విమానయానశాఖ 76 'బోయింగ్​ 737 మ్యాక్స్​' విమానాలను కొనుగోలు చేసింది. మరో 104 విమానాల కొనుగోలుకు ఒప్పందం కుదుర్చుకుంది.

అయితే ఇథియోపియాలో 'బోయింగ్​ 737' విమానం ఆదివారం ప్రమాదానికి గురైంది. ఈ ఘటనలో సిబ్బందితో సహా 150 మంది మృత్యువాత పడ్డారు. తక్షణమే చైనా ఈ విమాన సర్వీసులను నిలిపేసింది.

ఇదీ చూడండి :ఇథియోపియా విమాన ప్రమాదంలో భారతీయులు మృతి!