దక్షిణాసియా, ఆగ్నేయాసియా ప్రజలకు అమెరికా అధ్యక్షుడు జో బైడెన్.. వైశాఖీ, నవరాత్రి, సోంగ్క్రాన్, నూతన సంవత్సరాది సందర్భంగా శుభాకాంక్షలు తెలిపారు. వసంత రుతువు ప్రారంభం సందర్భంగా.. వివిధ పేర్లతో పిలుచుకునే ఈ పండుగలను అందరూ సంతోషంగాా జరుపుకోవాలని కోరారు బైడెన్.
"వైశాఖీ, నవరాత్రి, సోంగ్క్రాన్, నూతన సంవత్సరాది.. పండుగలను జరుపుకుంటోన్న దక్షిణాసియా, ఆగ్నేయాసియా ప్రజలకు జిల్, నేను శుభాకాంక్షలు తెలియజేస్తున్నాం. బెంగాలీ, కంబోడియన్, లావో, మయన్మారీ, నేపాలీ, సింహళీ, తమిళ్, థాయ్, విషు నూతన సంవత్సర శుభాకాంక్షలు."
-జో బైడెన్, అమెరికా అధ్యక్షుడు
వసంత రుతువు ప్రారంభానికి చిహ్నంగా.. వివిధ ప్రాంతాల్లో, వివిధ పేర్లతో ప్రజలు ఈ నూతన సంవత్సర వేడుకలను జరుపుకుంటారు. మనదేశంలో కర్ణాటకలో ఉగాది అని, బంగాల్లో నబా బర్షా అని పిలుస్తారు. హిందువులు 9 రోజులపాటు చైత్ర నవరాత్రి ఉత్సవాలు జరుపుకుంటారు. ఈ ఏడాది ఏప్రిల్ 13 నుంచి ఏప్రిల్ 22 వరకు ఈ ఉత్సవాలు జరగనున్నాయి.
ఇదీ చూడండి: 9/11 నాటికి అఫ్గాన్లో అమెరికా దళాల ఉపసంహరణ
