bangladesh court news: ప్రభుత్వాన్ని విమర్శిస్తూ ఫేస్బుక్ పోస్ట్ పెట్టిన తోటి విద్యార్థిని కిరాతకంగా హత్యచేసిన కేసులో బంగ్లాదేశ్ ట్రయల్ కోర్టు 20 మంది విద్యార్థులకు మరణశిక్ష విధించింది. మరో ఐదుగురికి యావజ్జీవ కారాగార శిక్షను ఖరారు చేసింది. మరోసారి ఇలాంటి ఘటనలు పునరావృతం కాకుండా ఈ శిక్షను విధించినట్లు పేర్కొంది.
bangladesh students death sentence
దోషులు బంగ్లాదేశ్ యూనివర్శిటీ ఆఫ్ ఇంజనీరింగ్ అండ్ టెక్నాలజీకి(బీయూఈటీ) చెందిన విద్యార్థులు. అధికారంలో ఉన్న అవామీ లీగ్ స్టుడెంట్ ఫ్రంట్ బంగ్లాదేశ్ ఛత్ర లీగ్ (బీసీఎల్)కు చెందిన కార్యకర్తలు. 2019లో ప్రభుత్వాన్ని విమర్శిస్తూ ఫేస్బుక్ పోస్ట్ పెట్టిన సెకండ్ ఇయర్ విద్యార్థి అబ్రార్ ఫహాద్(21)ను జమాతే-ఈ-ఇస్లామీకి చెందిన స్టుడెంట్ ఫ్రంట్ కార్యకర్తగా అనుమానించి హత్యకు పాల్పడినట్లు తెలుస్తోంది. హత్య జరిగిన వెంటనే నిందితులైన కార్యకర్తలకు సభ్యత్వాన్ని రద్దు చేసింది బీసీఎల్.
హత్యకు సంబంధించిన వీడియో సామాజిక మాధ్యమాల్లో బయటికి రావడం వల్ల బంగ్లాదేశ్ అంతటా ఆందోళనలు వెల్లువెత్తాయి. ఈ హత్యపై ఐక్యరాజ్య సమితి కూడా ప్రత్యేక స్వతంత్ర్య దర్యాప్తు జరిపించనున్నట్లు అప్పట్లో తెలిపింది. దీంతో ఈ హత్య అంతర్జాతీయ అంశంగా మారిపోయింది. ప్రస్తుత తీర్పు పట్ల బాధిత కుటుంబ సభ్యులు ఆనందం వ్యక్తం చేశారు.
ఇదీ చదవండి:కుమార్తె పుట్టినరోజునే విషాదం- దొంగల కాల్పుల్లో తండ్రి మృతి
