ఆస్ట్రేలియా పార్లమెంటు ఎన్నికల్లో ఎగ్జిట్పోల్స్ అంచనాలను తలకిందులు చేస్తూ అధికార లిబరల్ పార్టీ నేతృత్వంలోని సంకీర్ణ ప్రభుత్వం మరోసారి విజయం సాధించింది. ప్రధానమంత్రి స్కాట్ మారిసన్ ఇది ప్రజలు తమకు అందించిన అద్భుత విజయమని ఆనందం వ్యక్తం చేశారు.
"ఆస్ట్రేలియా ఎంత మంచిది. నేను ఎప్పుడూ అద్భుతాలను విశ్వసిస్తాను."- స్కాట్ మారిసన్, ఆస్ట్రేలియా ప్రధానమంత్రి
హోరాహోరీగా పోరాడిన ప్రధాన ప్రతిపక్షం లేబర్ పార్టీ ఓటమిని అంగీకరించింది. లేబర్పార్టీ నేత బిల్ షార్టెన్... ఎన్నికల్లో ఓటమికి నైతిక బాధ్యత వహిస్తూ పార్టీ అధ్యక్ష పదవికి రాజీనామా చేశారు.
"లేబర్పార్టీ... ప్రభుత్వాన్ని ఏర్పాటు చేయలేదని స్పష్టమవుతోంది. దేశ ప్రయోజనాలే ముఖ్యం. ప్రధాని స్కాట్ మారిసన్కు శుభాకాంక్షలు." - బిల్ షార్టెన్, లేబర్ పార్టీ నేత
ఆస్ట్రేలియా ప్రతినిధుల సభలోని 151 స్థానాల్లో... లిబరల్ పార్టీ నేతృత్వంలోని సంకీర్ణం కనీసం 73 సీట్లు, ప్రధాన ప్రతిపక్షమైన లేబర్పార్టీ 65 సీట్లు గెలుపొందవచ్చని అంచనా.
ప్రధాని స్కాట్ మారిసన్ నేతృత్వంలోని లిబరల్-నేషనల్ సంకీర్ణ ప్రభుత్వం మరో ఆరేళ్లపాటు అధికారంలో ఉంటుంది.
ఇదీ చూడండి: మనుషుల్ని రంపాలతో కోసి... 18 సంచుల్లో నింపి!
