భారత్లో కరోనా తీవ్రరూపం దాల్చిన నేపథ్యంలో ఇప్పటికే పలు దేశాలు ఆంక్షలు విధించగా.. తాజాగా ఆస్ట్రేలియా ఈ జాబితాలో చేరింది. మే 15 వరకు ఇరు దేశాల విమానాలపై నిషేధం విధిస్తున్నట్లు ఆ దేశ ప్రధాని స్కాట్ మారిసన్ ప్రకటించారు. పరిస్థితుల ఆధారంగా మే 15లోపు దీనిపై నిర్ణయం తీసుకుంటామని తెలిపారు.
కేబినెట్ జాతీయ భద్రతా కమిటీ సమావేశంలో ఈ నిర్ణయం తీసుకున్నారు మారిసన్. భారత్కు సాయంగా ఎటువంటి వైద్యపరికరాలు పంపాలన్న విషయంపైనా ఈ భేటీలో చర్చించినట్లు చెప్పారు. అలాగే ఆ దేశ విదేశీ వ్యవహారాలు, రవాణా శాఖలో రిజిస్టర్ అయిన 9000 మంది ఆస్ట్రేలియన్లు.. భారత్లో ఉన్నట్లు తెలిపారు. వారిని తిరిగి తమ దేశానికి తీసుకెళ్లడానికి ఏర్పాట్లు చేస్తున్నట్లు పేర్కొన్నారు.
ఇదీ చూడండి: భారత్‌ను చూస్తుంటే గుండె తరుక్కుపోతుంది: టెడ్రోస్‌
