అఫ్గానిస్థాన్ మరోసారి పేలుళ్లతో ఉలిక్కిపడింది. ఆదివారం జరిగిన రెండు ఆత్మాహుతి బాంబు దాడుల్లో 34 మంది మృతిచెందారు.
తూర్పు ఘజినీ రాష్ట్రంలోని సైనిక స్థావరంపై కారు బాంబు దాడి జరిగింది. ఈ ఘటనలో 31 మంది సైనికులు ప్రాణాలు కోల్పోయారని అధికారులు తెలిపారు. మరో ఘటనలో దక్షిణ ఆఫ్గాన్.. జుబల్లోని ప్రావిన్షియల్ కౌన్సిల్ చీఫ్ కాన్వాయ్పై కారు బాంబు దాడి జరిగింది. ఈ పేలుడులో ముగ్గురు మరణించారని అధికారులు చెప్పారు. చిన్నారులు సహా మొత్తం 12 మంది గాయపడ్డారని తెలిపారు. స్వల్ప గాయాలతో ప్రావిన్షియల్ చీఫ్ బయటపడ్డారని వెల్లడించారు.
ఈ దాడులకు తామే బాధ్యులమని ఇంతవరకు ఏ ఉగ్ర సంస్థ ప్రకటించుకోలేదు.
ఇదీ చూడండి:కరోనా పుట్టింది భారత్లోనే: చైనా
