కొద్ది వారాలుగా ప్రజాస్వామ్య మద్దతుదారుల నిరసనలను అణచివేస్తూ వస్తోన్న మయన్మార్ సైన్యం తాజాగా ఓ సాయుధ తెగ అధీనంలోని ప్రాంతాలపై వైమానిక దాడులు చేపట్టింది. ఆగ్నేయ మయన్మార్లోని కరేన్ రాష్ట్రంలో జరిగిన ఈ దాడుల నుంచి తప్పించుకునేందుకు సుమారు 3 వేల మంది పౌరులు థాయ్‌లాండ్‌కు పారిపోయారు. ఈ మేరకు మయన్మార్ స్థానిక మీడియా వెల్లడించింది.
మయన్మార్ ప్రభుత్వంపై తిరుగుబాటు చేసి పాలనను తమ చేతుల్లోకి తీసుకుంది ఆ దేశ సైన్యం. ఈ నేపథ్యంలో ప్రజాస్వామ్యాన్ని పునరుద్ధరించాలంటూ ప్రజలు కొద్ది వారాలుగా పెద్ద ఎత్తున నిరసనలు చేపడుతున్నారు.
ఇదీ చదవండి: ఆ 8 మందిని అప్పగించండి: మయన్మార్
