అఫ్గానిస్థాన్లో కారుబాంబు కలకలం సృష్టించింది. ఈ ఘటనలో పలువురు చిన్నారులు సహా 23మంది ప్రాణాలు కోల్పోయారు. దక్షిణ అఫ్గాన్లోని హెల్మాండ్ ప్రావిన్స్‌లో జరిగిన ఈ ఘటనపై ఆ ప్రాంత గవర్నర్ కార్యాలయం ప్రకటన విడుదల చేసింది.
తాలిబన్లు- సైన్యం పరస్పర విమర్శలు
ఘటనకు బాధ్యత మీదంటే.. మీదేనంటూ తాలిబన్లు, అఫ్గాన్ సైన్యం పరస్పర విమర్శలు చేసుకున్నాయి. సైన్యమే మార్కెట్ లక్ష్యంగా మోర్టార్ షెల్లను ప్రయోగించిందని తాలిబన్లు ప్రకటించింది. సాధారణ పౌరులు లక్ష్యంగా తాలిబన్లు కారుబాంబు పేల్చారని ఆరోపించింది సైన్యం.
కారు బాంబు పేలుడు వల్ల ఇద్దరు తాలిబన్లు కూడా మృతి చెందారని సమాచారం.
