కరోనా టీకాలు అందుబాటులోకి రావడం వల్ల ఊపిరిపీల్చుకున్న ప్రజలపై 'కొత్త రకం' వైరస్ వార్తలు పిడుగులా పడ్డాయి. బ్రిటన్లో వెలుగుచూసిన ఈ స్ట్రెయిన్పై సర్వత్రా ఆందోళనలు నెలకొన్నాయి. చేతిలో వ్యాక్సిన్ ఉన్నా.. ఈ స్ట్రెయిన్పై అది పనిచేస్తుందా? లేదా? అన్న అనుమానాలు రోజురోజుకు పెరుగుతున్నాయి. అయితే కొత్త కరోనా స్ట్రెయిన్పై వ్యాక్సిన్లు పనిచేస్తాయని శాస్త్రవేత్తలు భావిస్తున్నారు. ఈ విషయాన్ని ధ్రువీకరించేందుకు పరిశోధనలు జరుపుతున్నారు.
ఈ వ్యవహారంపై అమెరికాలోని ప్రముఖ అంటువ్యాధుల నిపుణులు ఫౌచీ స్పందించారు. బ్రిటన్ నుంచి వస్తున్న సమాచారం ప్రకారం.. కొత్త స్ట్రెయిన్పై టీకా పనిచేస్తుందని పేర్కొన్నారు. అయితే దీనిని ధ్రువీకరించుకునేందుకు.. అమెరికా కూడా పరీక్షలు నిర్వహిస్తుందని స్పష్టం చేశారు.
వైరస్లో జన్యు మార్పులు సంభవించడం సహజమేనని.. అయితే అవి శక్తివంతంగా మారితే అందుబాటులో ఉన్న వ్యాక్సిన్లు పనిచేయవని నిపుణులు పేర్కొన్నారు. అయితే ప్రస్తుత పరిస్థితులు అలా కనిపించడం లేదని.. వైరస్పై వ్యాక్సిన్లు ప్రభావవంతంగా పనిచేస్తాయని ఆశాభావం వ్యక్తం చేశారు.
ఇదీ చూడండి:- వుహాన్లో హడావుడిగా వ్యాక్సినేషన్
