అమెరికాలో ఘోర ప్రమాదం జరిగింది. అతివేగంగా వెళ్తున్న కారు అదుపు తప్పి మరో కారును ఢీకొట్టింది. కారులోని నలుగురు అక్కడిక్కడే మృతి చెందారు. మరో వాహనంలోని డ్రైవర్ చనిపోయాడు. కారు రెండు ముక్కలైంది. ఈ దుర్ఘటన యాంకర్స్లోని రివిడేల్ అవెన్యూ సమీపంలో మంగళవారం(అమెరికా కాలమానం ప్రకారం) రాత్రి జరిగింది. చనిపోయిన నలుగురు ఇటీవలే గ్రాడ్యుయేషన్ పూర్తి చేశారు.
ప్రమాదం జరిగిన ప్రాంతమంతా పగిలిన కారు ముక్కలతో, రక్తపు మరకలతో నిండిపోయింది. 8 గంటల పాటు ఆ ప్రాంతంలో రాకపోకలను నిలిపివేశారు అధికారులు. ప్రమాదానికి సంబంధించిన దృశ్యాలు దగ్గర్లోని గ్యాస్ బంక్ సీసీ కెమెరాలో నిక్షిప్తమయ్యాయి.
ఇదీ చూడండి: మహానగరం రక్తసిక్తం.. ప్రమాదాలకు నిర్లక్ష్యమే కారణం
