కరోనాపై పోరులో భారత్కు మరో విడత ఆర్థిక సాయం ప్రకటించింది అమెరికా. యూఎస్ అంతర్జాతీయ అభివృద్ధి సంస్థ(యూఎస్ ఏఐడీ) ద్వారా మరో 3 మిలియన్ డాలర్లు అందిస్తున్నట్లు తెలిపింది. వైరస్ వ్యాప్తిని అరికట్టేందుకు ఇప్పటికే ఈనెల 6న యూఎస్ ఏఐడీ సుమారు 2.9 మిలియన్ డాలర్లు భారత్కు ఇస్తున్నట్లు ప్రకటించింది.
భారత్లోని అమెరికా రాయబారి కెన్నెత్ జస్టర్ ఈమేరకు ఓ ప్రకటన విడుదల చేశారు. ఈ అదనపు నిధులు.. ఇరు దేశాల మధ్య బలమైన, నిరంతర భాగస్వామ్యానికి మరో ఉదాహరణగా నిలుస్తాయని పేర్కొన్నారు.
యూఎస్ ఏఐడీ అనేది ప్రముఖ అంతర్జాతీయ సహాయ సంస్థలో ఒకటి. పహల్ ప్రాజెక్టు కింద భారత్కు ఈ నిధులను అందిస్తోంది. కొవిడ్-19పై పోరు కోసం ఇప్పటి వరకు భారత్ కు 5.9 మిలియన్ డాలర్ల సాయం చేశాం. కరోనా వ్యాప్తిని అడ్డుకోవడం, బాధితులకు చికిత్స, ప్రజలకు అవగాహన కల్పించటం, కేసుల గుర్తింపు చర్యలను పటిష్ఠం చేయటం, నిఘా వంటి వాటికి ఈ నిధులు ఉపయోగించాలి.
-కెన్నెత్ జస్టర్, భారత్లో అమెరికా రాయబారి
50 కోట్ల మంది పేదల కోసం ఆరోగ్య బీమా పథకం, ప్రధాన మంత్రి ఆరోగ్య యోజన కింద చేరిన 20 వేల ఆస్పత్రులకు సహాయం అందించేందుకు వనరులను సమీకరించడానికి సాయం చేయనున్నట్లు తెలిపారు జస్టర్.
ఇదీ చూడండి: ఆంక్షల కొనసాగింపుపై ట్రంప్ కీలక ప్రకటన
