అమెరికాలోనే అతిపెద్ద హనుమాన్ విగ్రహాన్ని రూపొందించింది హిందూ దేవాలయాల సంఘం. డెలవేర్ రాష్ట్రం హాకెసిన్లో ప్రతిష్టించేందుకు ఏర్పాటు చేస్తోంది. అయితే.. కరోనా కారణంగా ఎలాంటి హంగులు, ఆర్భాటాలు లేకుండానే సాధారణ ఏర్పాట్లతో విగ్రహ ప్రతిష్ట చేయనున్నట్లు స్పష్టం చేశారు సంఘం సభ్యులు. 25 అడుగుల ఎత్తైన హనుమాన్ విగ్రహాన్ని ప్రతిష్టించేందుకు యంత్ర ప్రతిష్ట, ప్రాణ ప్రతిష్ట కార్యక్రమాలను ఘనంగా నిర్వహించారు.
'నల్లటి గ్రానైట్ రాయితో హనుమాన్ విగ్రహాన్ని చెక్కారు. ప్రతిమ పూర్తి రూపం దాల్చేందుకు సుమారు ఏడాది సమయం పట్టింది. విగ్రహం పూర్తయిన తర్వాత ఆలయానికి అందిస్తాం. ఆలయ పూజారులు 10 రోజుల పాటు పూజలు నిర్వహిస్తారు.'
- పాటిబంద శర్మ, హిందూ ఆలయాల సంఘం అధ్యక్షుడు
డెలవేర్ రాష్ట్రంలో న్యూక్యాజిల్ హోలీ స్పిరిట్ చర్చిలోని 'ఔర్ లేడీ క్వీన్ ఆఫ్ పీస్' విగ్రహం అతి పెద్దదిగా తొలి స్థానంలో ఉండగా.. త్వరలోనే ప్రతిష్టించనున్న హనుమాన్ విగ్రహం రెండో స్థానంలో నిలువనుంది.
ఇదీ చదవండి: భగవద్గీతతో ప్రశాంతత: గబార్డ్‌
