హఫీజ్​కు జైలు శిక్షపై దాయాదికి అమెరికా ప్రశంసలు!

ముంబయి దాడుల సూత్రధారి హఫీజ్​ సయిద్​కు పాక్​ జైలు శిక్ష విధించడాన్ని ప్రశంసించింది అగ్రరాజ్యం అమెరికా. ఉగ్రవాదులకు ఆర్థిక సహాయం అందకుండా ప్రయత్నిస్తున్న దాయాదికి అభినందనలు తెలిపింది. ​​

2008 ముంబయి దాడులకు ముఖ్య సూత్రధారి అయిన హఫీజ్ సయీద్​​కు పాకిస్థాన్ కోర్టు జైలు శిక్ష విధించడంపై అమెరికా అభినందనలు తెలిపింది. హఫీజ్​, ఆయన అనుచరులకు జైలుశిక్ష విధించడం గొప్ప ముందడుగు అని పేర్కొంది.

లష్కరే తొయిబా ఉగ్రకార్యకలాపాలకు ఆ సంస్థలోని వారిని జవాబుదారీగా చేయడం, ఉగ్రముఠాలకు ఆర్థిక సహాయం అందకుండా చర్యలు వంటి అంతర్జాతీయ కట్టుబాట్లకు తగిన విధంగా పాక్ వ్యవహరించడంపై అభినందిస్తూ ట్వీట్​ చేశారు అమెరికా దౌత్యవేత్త అలీస్​ వెల్స్.​

ఇదీ చూడండి: మరో ఇద్దరు భారతీయులకు కరోనా వైరస్​!