కరోనాను ఎదుర్కోవడంలో భారత్కు సాయపడటం అమెరికా నైతిక బాధ్యత అని ఆ దేశ చట్టసభ్యురాలు ప్రమీలా జయపాల్ తెలిపారు. ప్రస్తుతం భారత్లో పరిస్థితి ఆందోళనకరంగా ఉందని.. ఈ సమయంలో భారత్కు సాయం అందించేందుకు జాతీయ, అంతర్జాతీయ స్థాయిలో కృషి చేయడం అమెరికా నైతిక బాధ్యత అని పేర్కొన్నారు. భారత రాయబారి తరణ్జిత్ సింగ్ సంధుతో గురువారం జరిగిన వర్చువల్ సమావేశం సందర్భంగా ఈ వ్యాఖ్యలు చేశారు.
భారత్కు వ్యాక్సిన్ సంబంధిత పరికరాల పంపిణీ, టీకాల పంపిణీ సహా వ్యాక్సిన్ల పేటేంట్ రద్దుపై అమెరికా సానుకూలంగా స్పందించిందన్నారు. టీకాలు అందుబాటులో అసమానతలు ఏర్పడుతున్న నేపథ్యంలో బైడెన్ ప్రభుత్వం చేపట్టిన చర్యలు భారత్కు తోడ్పడతాయని అభిప్రాయపడ్డారు. ప్రపంచవ్యాప్తంగా టీకాల అందుబాటు.. ధనిక దేశాల్లో 80 శాతం ఉండగా, పేద దేశాల్లో కేవలం 0.3 శాతమే ఉందని వెల్లడించారు.
ఈ అసమానతలను కట్టడి చేసేందుకు సంబంధిత దేశ రాయబారులతో కలిసి కృషి చేస్తామని.. అవసరమైన దేశాలకు సరిపడా డోసులు అందేలా చర్యలు చేపడతామని పేర్కొన్నారు.
ఇటీవల ప్రమీలా.. కొవిడ్ బారిన పడిన ఆమె తల్లిదండ్రులను పరామర్శించేందుకు భారత్లో పర్యటించారు.
ఇదీ చదవండి : భారత్లో కరోనాపై వివేక్మూర్తి ఆందోళన
