రిపబ్లికన్ల నిర్లక్ష్యం వల్లే తనకు కరోనా సోకిందని ఆరోపించారు అమెరికా చట్ట సభ్యురాలు ప్రమీలా జయపాల్. ఈ విషయంపై ఆమె మంగళవారం ట్వీట్ చేశారు.
"నాకు కొవిడ్ పాజిటివ్ అని తేలింది. పార్లమెంటులో తలదాచుకున్న రోజు రిపబ్లికన్ నేతలు మాస్కు ధరించడానికి నిరాకరించడమే కాకుండా మాస్కు అందించిన వారిని ఎద్దేవా చేశారు."
-ప్రమీలా జయపాల్ , అమెరికా కాంగ్రెస్ సభ్యురాలు
వారిపై చర్యలు చేపట్టాలి..
'మాస్కులు ధరించని నేతల మధ్య ఉన్న నేను వెంటనే క్వారంటైన్ అయ్యాను. నేను భయపడినట్లుగానే కొవిడ్ పాజిటివ్ వచ్చింది' అని ప్రమీలా అన్నారు. క్వారంటైన్ అయినా కూడా తన శక్తి మేరకు పనిచేస్తానని తెలిపారు. పార్లమెంటులో మాస్కులు ధరించని వారిపై కఠిన చర్యలు చేపట్టాలని డిమాండ్ చేశారు.
ఇదీ చదవండి : 'అభిశంసన, నామినేషన్ ప్రక్రియను విడదీయండి'
