తమ దేశ ప్రజల ఆరోగ్య రక్షణ కోసం అమెరికా కీలక నిర్ణయం తీసుకుంది. వందకుపైగా దేశాల నుంచి శునకాలను తీసుకురావడాన్ని నిషేధించింది. ఈ విషయాన్ని ఆ దేశ వైద్యాధికారులు తెలిపారు. ఈ నిషేధం జులై 14 నుంచే అమలవుతున్నట్లు వెల్లడించారు. ఆయా దేశాల్లో ఇప్పటికీ రేబిస్ వ్యాధి వ్యాపిస్తుండటమే ఇందుకు కారణమని తెలిపారు.
నిషేధం అందుకే...
4 నెలలకన్నా తక్కువ వయసు ఉన్న కుక్కలకు రేబిస్ టీకా వేయకూడదు. అయితే శునకాల వయసును తప్పుగా చూపించి, అమెరికాలోకి తీసుకొచ్చేందుకు ప్రయత్నిస్తున్న కేసులు ఇటీవల పెరిగిపోయాయి. ఈ నేపథ్యంలో అమెరికాలోని అంటు వ్యాధుల నివారణ కేంద్రం నిషేధం ఉత్తర్వులు జారీ చేసింది.
అమెరికాకు విదేశాల నుంచి వచ్చేవారు ఏటా 10 లక్షల శునకాలను తీసుకొస్తుంటారని అంచనా.
ఇదీ చూడండి: షికాగోలో కాల్పులు.. నలుగురు మృతి
