దేశంలో కరోనా కేసులు పెరుగుతున్న నేపథ్యంలో.. భారత్ నుంచి అమెరికాకు వెళ్లే ప్రయాణికులపై ఆ అధ్యక్షుడు జో బైడెన్ విధించిన నిషేధాజ్ఞలు మంగళవారం అమల్లోకి వచ్చాయి. కొన్ని వర్గాల విద్యార్థులు, విద్యావేత్తలు, పాత్రికేయుల వంటి వారికి నిషేధం నుంచి మినహాయింపునిచ్చారు. అమెరికన్లు సహా.. గ్రీన్ కార్డులు కలిగినవారు, వారి జీవిత భాగస్వాములు (వయోవృద్ధులు కానివారు), 21ఏళ్ల కంటే తక్కువ వయసు కలిగిన వారి పిల్లలు ఈ జాబితాలో ఉన్నారు.
తదుపరి ఆదేశాలు జారీ చేసేంతవరకు ఈ ఆంక్షలు కొనసాగుతాయని బైడెన్ ప్రభుత్వం తెలిపింది. యూఎస్లోకి ప్రవేశించాలనుకునేవారు.. ఆయా నిబంధనలతో పాటు 14 రోజులు ప్రత్యేక నిర్బంధంలో ఉండాలని తన ఉత్తర్వుల్లో పేర్కొన్నారు బైడెన్.
అయితే.. ఆరోగ్య, మానవ సేవల విభాగంలోని సెంటర్ ఫర్ డిసీజ్ కంట్రోల్ అండ్ ప్రివెన్షన్(సీడీసీ) సిఫార్సు మేరకే ఈ నిర్ణయం తీసుకున్నట్టు అగ్రరాజ్యం వెల్లడించింది. భారత్లో కరోనా కేసులు భారీగా పెరగడమే ఇందుకు కారణమని చెప్పింది.
ఇదీ చదవండి:కూలిన మెట్రో రైలు- 15 మంది మృతి
