కొవిడ్ కట్టడిలో భాగంగా భారత్కు సహకరించింది ఐక్యరాజ్యసమితి పిల్లల విభాగం యునిసెఫ్. 3,000 ఆక్సిజన్ కాన్సంట్రేటర్లను భారత్కు పంపించింది. వ్యాక్సినేషన్ ప్రక్రియలోను భారత్కు అండగా ఉంటామని పేర్కొంది ఐరాస అనుబంధ సంస్థ.
దేశంలోని ఈశాన్య రాష్ట్రాలు, మహారాష్ట్రలోని ఆసుపత్రుల కోసం 25 ఆక్సిజన్ ఉత్పత్పి ప్లాంట్లను ఏర్పాటు చేయనున్నట్లు ఐరాస ప్రతినిధి ఫరాన్ హక్ తెలిపారు. దేశవ్యాప్తంగా విమానాశ్రయాల్లో థర్మల్ స్కానర్లు ఏర్పాటు చేసేందుకు ఐరాస సహకరిస్తుందని అన్నారు.
దేశప్రజలందరికీ వ్యాక్సిన్ అందేలా భారత్కు సాయం చేయనున్నట్లు యునిసెఫ్ తమ ప్రకటనలో తెలిపింది. ఈ మేరకు వ్యాక్సిన్లను సురక్షితంగా తరలించే ఏర్పాట్లు చేసినట్లు స్పష్టం చేసింది. 3,000 ఆక్సిజన్ కాన్సెంట్రేటర్లతో పాటు 500 నాసల్ కన్నులాస్(ముక్కుకు అమర్చే పరికరాలు), 85 ఆర్టీపీసీఆర్ టెస్టు యంత్రాలు భారత్కు పంపినట్లు పేర్కొంది.
థాయ్లాండ్ సహకారం..
మహమ్మారితో పోరాటంలో భాగంగా.. థాయ్లాండ్ పంపిన వైద్య పరికరాలు భారత్కు చేరుకున్నాయి. శనివారం ఈ పరికరాలు దిల్లీకి చేరుకున్నట్లు భారత్ స్పష్టం చేసింది.
ఇదీ చదవండి:రాష్ట్రాలకు రూ. 8,873 కోట్ల ఎస్‌డీఆర్‌ఎఫ్‌ నిధులు
