భారత్, చైనా విభేదాలపై అమెరికా అధ్యక్షుడు డొనాల్డ్ ట్రంప్ మరోసారి స్పందించారు. ప్రస్తుత సరిహద్దు వివాదాలను ఇరు దేశాలు పరిష్కరించుకోగలవని ఆశిస్తున్నట్లు తెలిపారు. ఈ విషయంలో సాయం చేయడానికి సిద్ధంగా ఉన్నట్లు పునరుద్ఘాటించారు.
లద్దాఖ్లో ఉద్రిక్తతలను తగ్గించే దిశగా భారత్, చైనా సైనిక కమాండర్ల మధ్య జరిగిన భేటీ నేపథ్యంలో ట్రంప్ ఈ మేరకు వ్యాఖ్యానించారు. ఈ భేటీలో అదనపు బలగాల మోహరింపును నిలిపేసేందుకు ఇరువైపులా అంగీకరించాయి.
సముద్రంపై నిఘా..
అయితే, సరిహద్దు వివాదాల నేపథ్యంలో భారత్ వివిధ అంశాలపై దృష్టి పెట్టాల్సిన అవసరం ఏర్పడిందని ప్రముఖ అమెరికన్ పత్రిక నివేదించింది. హిందూ మహాసముద్రంలో నిఘా పెంచుతోందని తెలిపింది. అమెరికా సహా ఇతర మిత్రపక్షాలతో ఇక్కడ సంయుక్త నావికా విన్యాసాలు చేపడుతోందని వివరించింది.
ఇదీ చూడండి: చైనాలో మైనారిటీల అణచివేతకు 380 నిర్బంధ కేంద్రాలు!
