మరో 60 ఉపగ్రహాలను ప్రయోగించిన స్పేస్​ఎక్స్​

అంతరిక్ష ప్రయోగ సంస్థ స్పేస్​ఎక్స్​ విజయవంతంగా మరో 60 ఉపగ్రహాలను రోదసిలోకి పంపింది. ఫాల్కన్‌-9 రాకెట్‌ ద్వారా అమెరికాలోని కేప్‌ కెనావెరాల్‌ అంతరిక్ష కేంద్రం నుంచి ఈ ప్రయోగం నిర్వహించింది.

ఫాల్కన్​-9 రాకెట్​ ద్వారా మంగళవారం రాత్రి మరో 60 ఉపగ్రహాలను రోదసిలోకి పంపింది స్పేస్​ఎక్స్​. దీనిని అమెరికా ఫ్లోరిడాలోని కేప్​ కెనావెరాల్ అంతరిక్ష కేంద్రం​ నుంచి ప్రయోగించింది. స్టార్​లింక్​ ప్రాజెక్టు ద్వారా భూమిపై విస్తృత స్థాయిలో బ్రాడ్‌బ్యాండ్‌ ఇంటర్నెట్‌ సంధానం దీని ఉద్దేశం.

మొదటదశ ప్రయోగం తర్వాత భూమికి తిరిగొచ్చిన రాకెట్​నే ఈ మిషన్​లో కూడా ఉపయోగించినట్లు స్పేస్​ఎక్స్​ తన అధికారిక వెబ్​సైట్​లో పేర్కొంది. 2018 ఫిబ్రవరిలో ప్రారంభమైన ఈ ప్రాజెక్టు కింద ఇప్పటివరకు ఆరు మిషన్లు పూర్తవగా... తాజాగా ఏడో ప్రయోగం జరిపింది.

ఇదీ చూడండి: అధికార బదిలీ ప్రక్రియలో మరో ముందడుగు