కంప్యూటర్లో విరివిగా వినియోగించే 'కట్, కాపీ, పేస్ట్' ఆవిష్కర్త.. జిరాక్స్లో ఎన్నో విప్లవాత్మక మార్పులను తీసుకొచ్చిన ల్యారీ టెస్లర్ మృతి చెందారు. సాంకేతిక రంగంలో విశిష్ట సేవలు అందించిన ఆయన జ్ఞాపకాలను స్మరిస్తూ సిలికాన్ వ్యాలీ సంతాపం ప్రకటించింది.
74 ఏళ్ల వయస్సులో మృతి చెందిన టెస్లర్ సుదీర్ఘకాలం జిరాక్స్పైనే పరిశోధనలు చేశారు. అందులో అద్భుత ప్రావీణ్యం సాధించారు. 'కట్, కాపీ, పేస్ట్' కమాండ్లను రూపొందించి.. వాటిపై విస్తృత ఆవిష్కరణలు చేశారు.
'టెస్లర్ పని చేసిన రోజులన్నీ విప్లవాత్మమైనవే. ఆయన సోమవారం చనిపోయారు. ఆయనను స్మరించుకునే కార్యక్రమంలో మాతో పాటు కలవండి.'
- స్టాన్ఫోర్డ్ విశ్వవిద్యాలయం
ఫైండ్, రీప్లేస్లూ ఆయన సృష్టే
విస్తృతంగా ఉండే సమాచారంలో మనకు కావాల్సినది సులభంగా వెతుక్కునేలా, మార్పులుచేర్పులు చేసుకునేందుకు వీలుండేలా రూపొందించిన 'ఫైండ్, రీప్లేస్' కమాండ్లను కూడా ఈయనే సృష్టించాడు.
'కట్, కాపీ, పేస్ట్ కమాండ్లను సృష్టికర్త. కంప్యూటర్ సైన్స్ శిక్షణను ప్రతి ఒక్కరికీ అవసరం అని గ్రహించారు. ప్రతి ఒక్కరూ కంప్యూటర్ కలిగి ఉండాలని భావించిన గొప్ప వ్యక్తి టెస్లర్.'
- కంప్యూటర్ హిస్టరీ మ్యూజియం, సిలికాన్ వ్యాలీ
ల్యారీ టెస్లర్ అమెజాన్, యాపిల్, యాహూ వంటి దిగ్గజ సంస్థల్లో పలు హోదాల్లో తన విశిష్ట సేవలు అందిచారు. జిరాక్స్ విభాగంలో పాలో ఆల్టో పరిశోధనా సంస్థతో కలిసి పనిచేశారు.
యాపిల్లో ప్రస్థానం..
దివంగత టెక్ దిగ్గజం స్టీవ్ జాబ్స్ 1980లో టెస్లర్ను తన యాపిల్ కంపెనీలో నియమించారు. టెస్లర్ హయాంలోనే యాపిల్కు చెందిన లిసా సాఫ్ట్వేర్ ప్రాచుర్యం పొందింది. యాపిల్లోనే 17 ఏళ్ల పాటు చీఫ్ సైంటిస్ట్గా పనిచేశారు టెస్లర్. అంతేకాకుండా 'ఎడ్యుకేషన్ స్టార్టప్‌'ను కూడా టెస్లర్ స్థాపించారు.
ఇదీ చదవండి: 'కాపీ కొట్టండి.. దొరికితే బుద్ధిగా ఉండండి'
