గల్ఫ్ తీరంలో బ్రిటన్కు చెందిన రెండు ట్యాంకర్లను ఇరాన్ అదుపులోకి తీసుకోవడం... ఉద్రిక్తతలకు మరింత ఆజ్యం పోస్తోంది. ఇరాన్ చర్యను ఖండించిన యూకే.. ఇది ఏ మాత్రం 'ఆమోదయోగ్యం కాదని' పేర్కొంది.
బ్రిటన్ విదేశాంగ మంత్రి జెరెమీ హంట్.. ఇరాన్ చర్యలను ఖండించారు. తమ దేశానికి చెందిన రెండు నౌకలను ఇరాన్ అదుపులోకి తీసుకోవడం ఏమాత్రం ఆమోదం కాదని వ్యాఖ్యానించారు. ఈ ఘటన ఆందోళనకరమైనదని ఆయన పేర్కొన్నారు.
'బయలుదేరడానికి సిద్ధంగా ఉంది'
ఇరాన్... రెండు బ్రిటన్ ట్యాంకర్లను స్వాధీనం చేసుకుంది. అయితే వీటిలోని రెండో ట్యాంకర్ను ప్రస్తుతం విడిచిపెట్టిందని, ఒక ఓడ బయలు దేరడానికి సిద్ధంగా ఉందని యజమాని వెల్లడించారు.
"ట్యాంకర్ కెప్టెన్తో మాట్లాడాను. ఇరాన్ సైనికులు ఓడ నుంచి వెళ్లిపోయారు. ప్రస్తుతం ఓడ స్వేచ్ఛగా ఉంది. అది బయలుదేరడానికి సిద్ధంగా ఉంది. ఓడలోని సిబ్బంది క్షేమంగా ఉన్నారు."-నార్బుల్క్ షిప్పింగ్ యూకే
అమెరికా ఖండన
బ్రిటన్ ట్యాంకర్లను ఇరాన్ అదుపులోకి తీసుకోవడాన్ని అమెరికా ఖండించింది. ఆ దేశం తీవ్రమైన హింసకు పాల్పడుతోందని ఆరోపించింది.
"ఇరాన్ దుర్మార్గపు ప్రవర్తనకు వ్యతిరేకంగా... మా భద్రత, ఆసక్తులను రక్షించుకోవడానికి...అమెరికా తన మిత్రదేశాలు, భాగస్వాములతో కలిసి పనిచేస్తుంది."-గేరట్ మార్క్విస్, యూఎస్ భద్రతామండలి అధికార ప్రతినిధి
ఇదీ చూడండి: ఔరా: సెలబ్రిటీ ట్రామ్ల కథ తెలుసా....?
