సిగరెట్ తాగే అలవాటు ఉన్నవారికి కరోనా సోకే అవకాశం ఎక్కువగా ఉన్నట్లు ఓ అధ్యయనం ద్వారా వెల్లడైంది. పొగతాగే వారి ఊపిరితిత్తులు వైరస్పై ఉండే ప్రొటీన్ రిసెప్టార్ (కొమ్ము వంటి నిర్మాణం)లను అధికంగా ఆకర్షించే అవకాశం ఉందని తేలింది. ఈ అలవాటును మానుకోవటం వల్ల తీవ్రమైన ఇన్ఫెక్షన్ బారి నుంచి తప్పించుకోవచ్చని సూచిస్తున్నారు పరిశోధకులు.
అమెరికాలోని కోల్డ్ స్ప్రింగ్ హార్బర్ లేబొరేటరీ శాస్త్రవేత్తలు ఈ పరిశోధనలు చేశారు. పొగతాగేవారిలో కరోనా ప్రభావం అధికంగా ఉండటానికి గల కారణాలను 'డెవలప్మెంటల్ సెల్' జర్నల్లో ప్రచురితమైన వ్యాసంలో వివరించారు.
"మానవ కణాల్లోకి ప్రవేశించడానికి ఏసీఈ-2 అనే ప్రొటీన్ను కరోనా వైరస్ ఉపయోగించుకుంటుంది. సాధారణ వ్యక్తులతో పోల్చితే పొగ తాడటం వల్ల ఏసీఈ-2 పెరుగుదల 30 నుంచి 55 శాతం అధికంగా ఉంటుందని మేం గుర్తించాం. అయితే ఈ పెరుగుదల తాత్కాలికమే. ధూమపానాన్ని వదిలేసిన వారిలో వీటి పెరుగుదల సాధారణంగానే ఉంది."
- జాసన్ షెల్జర్, పరిశోధకుడు
శ్లేష్మాన్ని ఉత్పత్తి చేసే గోబ్లెట్ కణాలే వాయుమార్గంలో ఏసీఈ-2ను అభివృద్ధి చేస్తాయని పరిశోధకులు గుర్తించారు. పొగతారే వారిలో ఈ కణాలు అధికంగా ఉన్నట్లు తెలిపారు.
"సిగరెట్ పొగలో వందల రకాల రసాయనాలు ఉంటాయి. నికోటిన్ వంటి పదార్థాలు పొగ కన్నా అధిక ప్రభావం చూపించే అవకాశం ఉంది. ఏసీఈ-2 ప్రొటీన్ పెరుగుదలతో కరోనా ఇన్ఫెక్షన్ తీవ్రంగా ఉండే ప్రమాదం ఉంది. పొగతాడటం మానేస్తేనే ఈ ప్రమాదం నుంచి బయటపడవచ్చు."
- జాసన్ షెల్జర్, పరిశోధకుడు
