అలస్కాలో 5.3 తీవ్రతతో భూకంపం

అమెరికాలోని అలస్కాలో భూకంపం సంభవించింది. రిక్టర్​ స్కేలుపై 5.3 తీవ్రత నమోదైంది. ఇప్పటివరకు ఎలాంటి ఆస్తి, ప్రాణ నష్టం జరగలేదని అధికారులు తెలిపారు.

అమెరికాలోని అలస్కాలో శనివారం ఉదయం 10 గంటలకు(స్థానిక కాలమానం ప్రకారం) భూకంపం సంభవించింది. అంకరెజ్​ పట్టణానికి నైరుతి దిక్కున 14.5 కిలోమీటర్ల దూరంలో రిక్టర్​ స్కేలుపై 5.3 తీవ్రతతో భూమి కంపించింది. 42 కిలోమీటర్ల లోతులో భూకంప కేంద్రం ఏర్పడినట్లు అధికారులు తెలిపారు.

అయితే భూకంపం వల్ల ఎలాంటి ఆస్తి, ప్రాణ నష్టం జరగలేదని అధికారులు చెప్పారు. 2018లో అంకరెజ్ పట్టణంలో రిక్టర్​ స్కేలుపై 7.1 తీవ్రతతో వచ్చిన భూకంప ధాటికి తీవ్ర నష్టం వాటిల్లింది.

ఇదీ చూడండి: అమెరికాలో భూకంపం.. పలు ఇళ్లు ధ్వంసం