అమెరికా బడ్జెట్​లో మహిళా సంక్షేమానికి భారీ నిధులు

2020 అమెరికా బడ్జెట్​లో ప్రపంచ మహిళా నిధికి 100 మిలియన్​ డాలర్లు కేటాయించనున్నారు ట్రంప్​. ఈ నిధులను మహిళల అభివృద్ధి, శ్రేయస్సు కోసం ఖర్చు చేయనున్నారు.

మరికొద్ది రోజుల్లో 2020 సంవత్సరానికి గాను అమెరికా బడ్జెట్​ను ప్రవేశపెట్టనున్నారు ఆ దేశాధ్యక్షులు డొనాల్డ్​ ట్రంప్. ఈ బడ్జెట్​లో​ తన కూతురు ఇవాంక ట్రంప్​ ఆధ్వర్యంలో ఉన్న 'ప్రపంచ మహిళా నిధి'కి 100 మిలియన్​ డాలర్లు అందించనున్నారు. ఈ నిధులను ప్రపంచ వ్యాప్తంగా మహిళల అభివృద్ధి, శ్రేయస్సుకోసం ఖర్చు చేయనున్నారు. ఉద్యోగ శిక్షణ, ఆర్థిక సహకారం తదితర అంశాల్లో వీరికి సహకారం అందించడానికే ఈ నిధులని స్పష్టం చేశారు.

ఇవాంక ట్రంప్ 2017లో ట్రంప్​ పరిపాలనా విభాగంలో చేరినప్పటి నుంచి ప్రధానంగా మహిళల ఆర్థిక సమస్యలపైనే దృష్టి సారించారు.

సోమవారం బడ్జెట్​ ?

ట్రంప్​ '2020 బడ్జెట్​'ను సోమవారం ప్రవేశపెట్టే అవకాశముందని శ్వేతసౌధం అధికారులు తెలిపారు. బడ్జెట్​ గురించి మరిన్ని వివరాలు వెల్లడించేందుకు అధికారులు విముఖత వ్యక్తం చేశారు.