అమెరికా అధ్యక్షుడు డొనాల్డ్ ట్రంప్ 2020 ఎన్నికల్లో గెలవరని పెరూలోని షమన్ ప్రజలు జోస్యం చెబుతున్నారు. ట్రంప్తో పాటు ప్రపంచ నేతలైన రష్యా అధ్యక్షుడు వ్లాదిమిర్ పుతిన్, బొలివియా మాజీ అధ్యక్షుడు ఎవో మోరల్స్ భవిష్యత్తునూ అంచనా వేస్తున్నారు.
"ఈ సారి అధ్యక్షుడిగా వేరే వ్యక్తి వస్తారు. ఆయన మళ్లీ గెలవరు. ఎందుకంటే వాళ్లు పుతిన్ లాంటి సమ ఉజ్జీ కావాలనుకుంటున్నారు."
- వాల్టర్ అలార్కొన్, షమన్
షమన్ల ఆచారాలు ప్రత్యేకంగా ఉంటాయి. ఏటా సంవత్సరాదికి ముందు ప్రత్యేక ప్రార్థనా కార్యక్రమాలు చేపడతారు. ప్రపంచమంతా సుఖశాంతులతో ఉండాలని దేవుడ్ని కోరుకుంటారు.
ఈ సారి లిమా పరిసర ప్రాంతంలోని ఓ బీచ్లో ఈ కార్యక్రమం నిర్వహించారు. ఇందులో ప్రపంచ నేతల ఫొటోలను ఉంచి, వారి భవిష్యత్తు అంచనా వేస్తున్నారు. ఈ ఏడాది ఎంతో ప్రశాంతంగా ఉంటుందని అంటున్నారు షమన్లు.
ఇదీ చూడండి: 'ఐస్ హాకీ' ఆడుతూ అలరించిన పుతిన్
