డెమొక్రటిక్ అభ్యర్థి జో బైడెన్ పెన్సిల్వేనియా రాష్ట్రంలో విజయం సాధించినట్లు ఆ రాష్ట్ర గవర్నర్ టామ్ ఓల్ఫ్ మంగళవారం అధికారికంగా ప్రకటించారు. ఇదే విషయాన్ని తన ట్విట్టర్ ద్వారా తెలిపారు.
"నవంబరు 3న అమెరికా అధ్యక్ష, ఉపాధ్యక్ష పదవుల కోసం పెన్సిల్వేనియా రాష్ట్రంలో జరిగిన ఎన్నికల్లో డెమొక్రటిక్ అభ్యర్థులు జోబైడెన్, కమలాహారిస్ గెలుపొందారు. ఎన్నికల సిబ్బంది ఎంతో నిబద్ధత, పారదర్శకతతో ఓట్ల లెక్కింపును పూర్తిచేశారు."
-- ట్విట్టర్లో టామ్ ఓల్ఫ్, పెన్సిల్వేనియా గవర్నర్.
మిషిగాన్, జార్జియా రాష్ట్రాల్లోనూ బైడెన్ విజయం సాధించారు. జో బైడెన్ ప్రస్తుతం 306 ఎలక్టోరల్ ఓట్లు సాధించారని, అమెరికా అధ్యక్ష పదవికి కావాల్సిన 270 ఓట్లను అధిగమించారని అమెరికన్ మీడియా తెలిపింది.
ప్రస్తుత అధ్యక్షుడు డొనాల్డ్ ట్రంప్ మాత్రం తన ఓటమిని అంగీకరించేందుకు ససేమిరా అంటున్నారు. పెన్సిల్వేనియాలో మళ్లీ లెక్కింపు జరపాలంటూ ట్రంప్ వర్గం దాఖలు చేసిన పిటిషన్ను కోర్టు ఇదివరకే కొట్టివేసింది.
