ఆటో షోలో ఖరీదైన కార్ల కనువిందు

న్యూయార్క్​ పట్టణంలో అంతర్జాతీయ కార్ల ప్రదర్శన జరుగుతోంది. వెయ్యికిపైగా మోడళ్లను ప్రదర్శనకు ఉంచినట్టు  నిర్వాహకులు తెలిపారు. ఈ నెల 19న ప్రారంభమైన ఈ ప్రదర్శన 28 వరకు జరగనుంది. కార్లను వీక్షించేందుకు పెద్ద సంఖ్యలో సందర్శకులు వస్తున్నారు.

న్యూయార్క్ నగరంలో "​ఇంటర్నేషనల్ ఆటో షో-2019" కార్ల ప్రేమికుల కళ్లు చెదిరేలా అట్టహాసంగా జరుగుతోంది. ప్రపంచ వ్యాప్తంగా దిగ్గజ సంస్థలకు చెందిన మోడళ్లు ఈ ప్రదర్శనలో సందడి చేస్తున్నాయి.

దాదాపు వెయ్యికిపైగా యుటిలిటీ కార్ల మోడళ్లు ప్రదర్శనలో ఉన్నాయి. అందులో ఎక్కువ ఎస్​యూవీలేనని నిర్వాహకులు తెలిపారు.

మెర్సిడెస్​ బెంజ్​కు చెందిన పూర్తిగా విద్యుచ్ఛక్తితో పని చేసే 2020 ఈక్యూసీ ఎస్​యూవీ ప్రత్యేకంగా నిలిచింది. ఇందులో ధ్వనితో నియంత్రించే ప్రత్యేక ఫీచర్​ సందర్శకులను ఆకర్షిస్తోంది.

ఆటో ప్రదర్శనలు మీడియాను మాత్రమే కాదు... సగటు వినియోగదారులను ఆకర్షించేందుకు కూడా వేదికగా నిలుస్తున్నాయని విశ్లేషకులు అభిప్రాయపడుతున్నారు.

"ఎస్​యూవీల్లో విభిన్న ఆకృతుల కోసం మేము ఎదురు చూస్తున్నాం. ఎందుకంటే అమెరికన్లు ఎక్కువగా ఇప్పుడు వాటినే ఇష్టపడుతున్నారు." -కాల్డ్ వెల్​, విశ్లేషకురాలు.

ఈ నెల 19 నుంచి 28 వరకు ఆటోషో జరుగుతుందని నిర్వాహకులు పేర్కొన్నారు.