అఫ్గాన్ నుంచి బయటకు వచ్చే ముందు కాబుల్లో రెండుసార్లు డ్రోన్ దాడులు (US drone strike) నిర్వహించింది అమెరికా. ఈ దాడుల్లో ఉగ్రవాదులను మట్టుబెట్టినట్టు ప్రకటించింది. అయితే ఆగస్టు 29న జరిపిన దాడుల్లో ఏడుగురు చిన్నారులు సహా 10మంది అఫ్గాన్ పౌరులు మరణించారని దర్యాప్తులో తేలింది. చివరకు ప్రజలకు అమెరికా క్షమాపణలు చెప్పుకుంది(us military drone strike). అయితే ఈ వ్యవహారాన్ని అగ్రరాజ్యం తీవ్రంగా పరిగణించింది. దర్యాప్తుపై ఉన్నతస్థాయి సమీక్షకు ఆదేశించారు అగ్రరాజ్య రక్షణమంత్రి లాయిడ్ ఆస్టిన్.
బాధ్యులపై క్రమశిక్షణ చర్యలు తీసుకోవాలా? వద్దా? అని ఈ సమీక్షలో నిర్ణయిస్తారు. ఘటనకు గల కారణాలపై జరిగిన సెంట్రల్ కమాండ్ ఇన్వెస్టిగేషన్పై సమీక్షకు ఉన్నతాధికారిని నియమించాలని అగ్రరాజ్య వాయుసేనకు ఆదేశాలిచ్చారు ఆస్టిన్.
ఇదీ చూడండి:- US drone strike: అమెరికా చివరి దాడి గురి తప్పిందిలా!
గత నెలలో.. అమెరికా సైన్యం వెనుదిరగకముందే మెరుపువేగంతో అఫ్గాన్ను ఆక్రమించుకున్నారు తాలిబన్లు. దేశంలో సంక్షోభంలోకి జారుకుంది. ప్రజలు దేశాన్ని వీడేందుకు కాబుల్ విమానాశ్రయానికి(us kabul news) పరుగులు తీశారు. రద్దీ ప్రాంతాలే లక్ష్యంగా ఐసిస్-కే ఉగ్రదాడులకు తెగబడింది. కొన్ని రోజుల తర్వాత.. ఐసిస్-కే కీలక స్థావరాల్లో ప్రతీకార దాడులు చేసింది అమెరికా. అనంతరం అదే కాబుల్ విమానాశ్రయం వద్ద రాకెట్ దాడులు చేసింది. ఉగ్రకుట్ర భగ్నం చేసినట్టు.. ఉగ్రవాదిని మట్టుబెట్టినట్టు ప్రకటించింది. కానీ ఆ దాడిలో అమాయకులు ప్రాణాలు కోల్పోయారు.
అఫ్గాన్ను వీడిన 6.3లక్షల మంది..
హింస కారణంగా ఈ ఒక్క ఏడాదిలోనే అఫ్గాన్లోని 6,35,000మంది ప్రజలు సొంత ఇళ్లను వదులుకోవాల్సిన వరిస్థితి ఏర్పడిందని ఓసీహెచ్ఏ(యూఎన్ ఆఫీస్ ఫర్ ది కొఆర్డినేషన్ ఆఫ్ హ్యుమానిటేరియన్ అఫైర్స్) వెల్లడించింది. గత నెలలో ఒక్క పంజ్షేర్ రాష్ట్రం నుంచే 12వేల మంది కాబుల్కు వలస వెళ్లినట్టు పేర్కొంది. ఇప్పటివరకు 80లక్షల మందికి సహాయం చేసినట్టు స్పష్టం చేసింది. కాబుల్లోని మరో 1,300మందికి సహాయం అందాలని తెలిపింది. మైదాన్ వర్దాక్ రాష్ట్రంలో 63వేల మందికి సహాయం అందాలని పేర్కొంది.
భారత్ పాత్ర కీలకం..
ఈ వారంలో అమెరికాలో భారత ప్రధాని మోదీ- అధ్యక్షుడు బైడెన్ భేటీ కానున్నారు(modi us visit 2021). అఫ్గాన్ సంక్షోభం నేపథ్యంలో భారత్తో కలిసి పనిచేయాలని మాజీ అధ్యక్షుడు డొనాల్డ్ ట్రంప్ హయాంలో జాతీయ భద్రతా అధికారిగా సేవలు చేసిన లీసా కార్టిస్ అభిప్రాయపడ్డారు. అఫ్గాన్లో ఉగ్రవాద నిరోధక చర్యలు, పాకిస్థాన్ విషయంలో భారత్తో కలిగట్టుగా పని చేయాలని పిలుపునిచ్చారు.
ఇదీ చూడండి:- తాలిబన్ల గుండెల్లో 'ఇస్లామిక్ స్టేట్' గుబులు!
