అమెరికా అధ్యక్షుడు డొనాల్డ్ ట్రంప్ అధ్యక్ష ఎన్నికల ప్రచారంలో వెనకబడ్డారని తేల్చింది ఫాక్స్ న్యూస్. ఈ సర్వేలో జో బిడెన్కు డెమొక్రాటిక్ పార్టీ సభ్యులు పెద్ద ఎత్తున మద్దతుగా నిలిచారని వెల్లడించింది. 2020 అధ్యక్ష ఎన్నికలకు సరిగ్గా 500 రోజుల ముందు ఈ పోల్ ఫలితాలు వెలువడ్డాయి. జూన్ 9 నుంచి 12 మధ్య ఈ సర్వే నిర్వహించారు.
ఫాక్స్ న్యూస్ పోలింగ్లో జో బిడెన్కు 49 శాతం ఓట్లు లభించగా, ట్రంప్కు 39 శాతం ఓట్లు లభించాయి.
సెనేటర్ బెర్నీ సాండర్స్కూ 49 శాతం ఓటింగ్ లభించింది. సెనేటర్లు ఎలిజబెత్ వార్రెన్, కమలా హారిస్, ఇండియానా రాష్ట్రంలోని సౌత్ బెండ్ మేయర్ పీట్ బట్టిగీగ్లూ డొనాల్డ్తో పోల్చితే కొంత మెరుగైన ఫలితాలు సాధించారు.
ఇప్పటివరకు ట్రంప్ అధికారికంగా ప్రచారాన్ని ప్రారంభించలేదు. మంగళవారం ఫ్లోరిడాలోని ఓర్నాల్డో వేదికగా ప్రచార శంఖారావం పూరించనున్నారు ట్రంప్.
ఇదీ చూడండి: టార్గెట్ యూపీ... ప్రియాంక వ్యూహం ఫలించేనా?
