అమెరికాలోని లాస్ ఏంజెలిస్లో దారుణం జరిగింది. ఐదేళ్లలోపు వయస్సు ఉన్న ముగ్గురు చిన్నారులు హత్యకు గురయ్యారు. శనివారం ఉదయం ఈ ఘటన జరిగినట్లు అక్కడి పోలీసులు తెలిపారు. ఈ కేసులో చిన్నారుల తల్లి లిలియానా కారిల్లోను టులారే కౌంటీలో అరెస్టు చేశారు.
చిన్నారుల నాన్నమ్మ తమ ఇంటికి తిరిగి రాగా.. ముగ్గురు చిన్నారులు విగత జీవులుగా కనిపించారు. ఇంట్లో తల్లి కనిపించలేదు. దాంతో పోలీసులకు నాన్నమ్మ ఫిర్యాదు చేశారు. చిన్నారుల శరీరాలపై కత్తిపోట్లు ఉన్నాయని పోలీసులు తెలిపారు. అయితే.. ఎలా చనిపోయారన్న దానిపై అధికారిక సమాచారాన్ని వెల్లడించలేదు.
బేకర్స్ఫీల్డ్ ప్రాంతంలో కారు నడుపుతూ వెళ్లి మరో కారును లిలియానా కారిల్లో ఢీకొట్టిందని పోలీసులు తెలిపారు. అనంతరం అక్కడి వారితో వాగ్వాదానికి దిగారని చెప్పారు. దాంతో పోలీసులు ఆమెను నిందితురాలిగా భావించి టులారే కౌంటీ ప్రాంతంలో అదుపులోకి తీసుకున్నారు.
ఇదీ చూడండి:కాబోయే కోడలు.. తన కూతురే అని తెలిస్తే?
