మంచు తుపానుతో అమెరికా తూర్పు ప్రాంతం వణుకుతోంది. న్యూయార్క్, న్యూజెర్సీ వంటి నగరాల్లో కరోనా వ్యాక్సినేషన్ కేంద్రాలు, విద్యాసంస్థలు మూసివేశారు. ఇక్కడి రోడ్లపై 22 అంగుళాల మేర మంచు పేరుకుపోయింది. రవాణా సైతం నిలిచిపోయింది.
పెన్సిల్వేనియాలో మంచు విపరీతంగా కురుస్తోంది. దీనికి తోడు బలమైన గాలులు వీస్తున్నాయి. ఇది ప్రయాణికులకు ఇబ్బందిగా మారింది. రోడ్లపై మంచు దట్టంగా పేరుకుపోయింది.
పరిస్థితులు మరింత ప్రతికూలంగా మారే అవకాశాలున్నందున.. ప్రజలు అత్యవసరం అయితే తప్పు ప్రయాణాలు మానుకోవాలని సూచించారు గవర్నర్. ఫిలడెల్ఫియా, పిట్స్బర్గ్ ప్రాంతాల్లోనూ మంచు భారీగా కురుస్తోంది.
మంచు తొలగిస్తూ ఉల్లాసంగా..
టైమ్స్ స్క్వేర్ వద్ద చాలా మంది తమ వ్యాపార, వాణిజ్య సముదాయాలను తెరిచేందుకు మంచును తొలగిస్తున్నారు. అయితే.. ఆ మంచు సోయగాల్లో కొందరు ఉల్లాసంగా గడుపుతున్నారు. శ్వేతవర్ణాన్ని ఆస్వాదిస్తున్నారు.
న్యూయార్క్లోని జాన్ఎఫ్ కెనడీ విమానాశ్రయం నుంచి వెళ్లాల్సిన అన్ని వాణిజ్య విమానాలను రద్దు చేశారు. బుధవారం వరకూ.. బలమైన గాలులు, మంచు కురుస్తుందని అమెరికా వాతావరణ విభాగం తెలిపింది.
రోడ్డు ధ్వంసం..
కాలిఫోర్నియాలోని బిగ్ సుర్ ప్రాంతం సమీపంలో భారీ వర్షాలు, మంచు కారణంగా రహదారి ధ్వంసమైంది. ఈ కారణంగా.. తీర ప్రాంతానికి రాకపోకలు నిలిచిపోయాయి.
ఇదీ చూడండి:మయన్మార్లో సైనిక తిరుగుబాటు- ఖండించిన ప్రపంచ దేశాలు
