'బైడెన్'​ ప్రమాణ స్వీకారంలో లేడీ గాగా, జెన్నీఫర్ సందడి

అమెరికా అధ్యక్షునిగా జో బైడెన్ ప్రమాణ స్వీకారంలో ప్రముఖ పాప్​ గాయని లేడీగాగా జాతీయ గీతం ఆలపించనుంది. ఈ ప్రమాణ స్వీకారానికి సంబంధించి పలువురు ప్రముఖులు వివిధ కార్యక్రమాలు నిర్వహించనున్నారు.

అమెరికా అధ్యక్షునిగా జోబైడెన్​ ప్రమాణ స్వీకార కార్యక్రమానికి సన్నాహాలు జరుగుతున్నాయి. ప్రముఖ పాప్​ గాయని లేడీగాగా జాతీయ గీతాన్ని ఆలపించనుంది. ప్రముఖ హాలీవుడ్​ నటి జెన్నీఫర్​ లోపెజ్​ ప్రత్యేక ప్రదర్శన నిర్వహించనుంది. బుధవారం జరగనున్న ఈ ప్రమాణ స్వీకారానికి సంబంధించి.. ప్రముఖ నటుడు టామ్​ హ్యాంక్స్ ఓ ఛానెల్​లో ప్రత్యేక కార్యక్రమాన్ని నిర్వహించనున్నారు.

ఆమె ఆధ్వర్యంలో..

జార్జిటౌన్​ విశ్వవిద్యాలయానికి చెందిన మాజీ అధ్యక్షుడు లియో డొనోవాన్​ బైడెన్​ను స్వాగతించనున్నారు. జార్జియో రాష్ట్రంలో అగ్నిమాపక సిబ్బందిగా విధులు నిర్వహిస్తున్న ఆండ్రియా హాల్ అనే మహిళ ఆధ్వర్యంలో బైడెన్​ ప్రమాణ స్వీకారం చేయనున్నారు.

భారీ భద్రత

ఇటీవల జరిగిన అల్లర్లను దృష్టిలో పెట్టుకుని పార్లమెంటు వద్ద భద్రతను కట్టుదిట్టం చేస్తున్నారు. ఎలాంటి ఇబ్బందులు ఎదురవకుండా ఉండేందుకు ప్రాంగణం చుట్టూ 20 వేల మంది నేషనల్​ గార్డ్స్​ను రక్షణ విభాగం మోహరిస్తోంది.

ఇదీ చదవండి : మరో అపఖ్యాతిని మూటగట్టుకున్న ట్రంప్​