అమెరికా- 2020 అధ్యక్ష ఎన్నికల్లో జరిగిన ఓటింగ్ మోసాలు, అన్యాయాలపై సుప్రీంలో బలమైన వాదనలు వినిపించడం తనకు క్లిష్టమైన పనేనని ప్రస్తుత అధ్యక్షుడు డొనాల్డ్ ట్రంప్ అన్నారు. న్యాయస్థానాలు కనీసం తన వాదనను వినిపించుకోవడం లేదని ఆరోపిస్తూ ఈ వ్యాఖ్యలు చేశారు. తాను మాత్రం ఎట్టి పరిస్థితుల్లో ఓటమిని అంగీకరించబోనని వెల్లడించారు.
అమెరికా అధ్యక్ష ఎన్నికల ఫలితాల అనంతరం తొలిసారి ఓ టీవీ ఛానెల్‌కు ఇంటర్వ్యూ ఇచ్చారు ట్రంప్. ఈ నేపథ్యంలో... తన వానదనలకు ఆధారాలు సమర్పించాలని తాము విశ్వప్రయత్నాలు చేస్తున్నా కోర్టు జడ్జిలు మాత్రం కనీసం తమ వ్యాజ్యాలను స్వీకరించడం లేదని వాపోయారు. అయినప్పటికీ తమ న్యాయపోరాటం అగదని, ఇప్పటికే వందల కొద్ది వ్యాజ్యాలు కోర్టుల్లో వేశామని ట్రంప్ వెల్లడించారు.
'న్యాయ వ్యవస్థలోనే లోపం ఉంది'
న్యాయవ్యవస్థే సరిగ్గా లేదంటూ డొనాల్డ్ ట్రంప్ ఆరోపణలు గుప్పించారు. వచ్చే ఆరు నెలల పాటు అధ్యక్ష ఎన్నికల ఫలితాలకు సంబంధించి తన ఆలోచన సరళి మారబోదని చెప్పారు. న్యాయం కోసం తనకున్న శక్తిని 125 శాతం మేర వినియోగిస్తానన్నారు.
ఇదీ చదవండి:కరోనా పంజా: హాంకాంగ్లో స్కూల్స్ బంద్- ఇరాక్లో రీఓపెన్
